Ապրիլի 15-ի ժամը 11:00-ի դրությամբ՝ Հայաստանում կորոնավիրուսի հաստատված դեպքերի թիվը կազմում է 1111: Նախորդ օրվա համեմատ դեպքերի թիվն ավելացել է 44-ով: Այս մասին տեղեկացնում է Հիվանդությունների վերահսկման և կանխարգելման ազգային կենտրոնը:

Մահվան դեպքերի թիվն ավելացել է 1-ով: Մահացած 66-ամյա տղամարդն ունեցել է սրտի իշեմիկ հիվանդություն, որի հետևանքով ձևավորվել է վերին մեզենտերիալ զարկերակների թրոմբոէմբոլիա։ Մահվան ելքով դեպքերի ընդհանուր թիվն այս պահին կազմում է 17:

Բուժվածների թիվն էլ 297 է, որը ապրիլի 14-ի համեմատ՝ ավելացել է 32-ով: 

Այս պահին փաստացի բուժում է ստանում 797 պացիենտ: