Եգիպտոսի զբոսաշրջության և հնությունների նախարարությունը, որը զբաղվում է երկրի պատմամշակութային ժառանգության պաշտպանությամբ և պահպանմամբ, աշխարհին հնարավորություն է տալիս անվճար, առցանց շրջագայել Եգիպտոսի դամբարաններով և այլ հայտնի կառույցներով։ Նախարարությունը շրջագայությունները սոցիալական ցանցերում տարածում է #StayHome հեշթեգով։  

انتظرونا الساعة ٨ مساءً مع القطعة الثانية التي اخترناها لكم من المتحف المصري بالتحرير.
Follow us tonight at 8 pm CLT, and don’t miss the second artifact that we chose to share with you from The Egyptian Museum in Tahrir.#StayHome#StaySafe#ExperienceEgyptFromHome pic.twitter.com/pxMSYkyMdG

— Ministry of Tourism and Antiquities (@TourismandAntiq) April 10, 2020

Այս այլընտրանքային շրջագայությունների հիմքում ընկած է կառույցների եռաչափ մոդելավորումը, որը հնարավորություն է տալիս ազատ շրջել դամբարաններում, մոտեցնել տեսախցիկը, ուսումնասիրել նույնիսկ ամենամանր դետալները։

Այս դեպքում կարելի է ասել, որ մեկուսացումն ունի իր առավելությունները․ մի քանի ժամում կարելի է շրջել Եգիպտոսի հայտնի տեսարժան վայրերով։ Նման վայրերը սովորաբար մարդաշատ են լինում, իսկ վիրտուալ շրջագայությունը հնարավորություն է տալիս խուսափել այլ այցելուներից և ուսումնասիրել շինությունները, որքան ցանկանաք։

Այս պահին հնարավոր է շրջագայել 8 տեսարժան վայրով․

• Ռամզես V և Ռամզես VI փարավոնների դամբարան
• Կոմ էլ-Շուկաֆի կատակոմբներ
• Բենի Հասանի գերեզմանատուն
• Բեն Էզրա սինագոգ
• Սուլթան Բարքուքի մզկիթ-մեդրեսե
• Կարմիր վանք
• Մերեսանխ III թագուհու դամբարան
• Մեննայի դամբարան

Լուսանկարը՝ unsplash.com կայքից