HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Արմեն Միրզոյան

Կորոնավիրուսի համավարակից հետո թուրքական հյուրանոցները կհրաժարվեն սննդի մատուցման «շվեդական սեղան» տարբերակից

Կորոնավիրուսի համավարակի ավարտից հետո թուրքական հյուրանոցները կհրաժարվեն շվեդական սեղաններից։ Այդ մասին գրում է «Hürriyet» պարբերականը։ Թուրքիան նախատեսում է արդեն մայիսի վերջին վերսկսել ներգնա տուրիզմը, իսկ արտասահմանյանը՝ օգոստոսին։

Ինչպես հայտնել է Թուրքիայի զբոսաշրջության նախարար Մեհմեթ Նուրի Էրսոյը, զբոսաշրջային տրանսպորտը պարբերաբար կախտահանվի։ Թուրքիայում օդանավակայանները, հյուրանոցները, թանգարանները և ռեստորանները կվերափոխվեն այնպես, որ մարդիկ կարողանան պահպանել սոցիալական հեռավորությունը։ Ծառայությունների ոլորտի աշխատակիցներն աշխատանքային յուրաքանչյուր օրվա սկզբում բուժզննում կանցնեն։ Զբոսաշրջային բոլոր հաստատությունների մոտ կտեղադրվեն ջերմաչափող սարքեր։

Էրսոյը հայտարարել է նաև, որ խրախուսելու են ծովափնյա գյուղերում հանգստի կազմակերպումը, որտեղ ավելի քիչ է հյուրանոցների թիվը։ Նախատեսվում է, որ այս տարի որոշ չափով կթանկանա հանգստի կազմակերպումը Թուրքիայում։

Վերջին տվյալներով՝ Թուրքիայում հայտնաբերվել է կորոնավիրուսի 110 130 դեպք, ապաքինվածների թիվը հասել է 29 140-ի, իսկ մահացածների թիվը՝ 2805-ի։

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter