Ոստիկանական համակարգում  ապրիլի 30-ի դրությամբ կորոնավիրուսի 16 հաստատված դեպք է արձանագրված եղել։ Այս մասին «Հետք»-ի հարցմանն ի պատասխան հայտնում են Ոստիկանության լրատվության վարչությունից՝ միաժամանակ տեղեկացնելով, որ 9  ոստիկան արդեն առողջացել է։ Այսինքն ՝ այս պահին փաստացի բուժում է ստանում 7  ոստիկան։

Հիշեցնենք, որ ապրիլի 30-ին  ներկայացրել ենք նաև Ազգային անվտանգության ծառայության ցուցանիշները, համաձայն որի՝ այս կառույցում  կորոնավիրուսի 16 հաստատված դեպք է արձանագրվել, երեք անձ արդեն առողջացել է, 13-ը գտնվում են հսկողության ներքո։ Իրավապահ երկու մարմիններում՝ Հատուկ քննչական ծառայությունում և Քննչական կոմիտեում կորոնավիրուսի հաստատված դեպքեր չկան։

Ապրիլի 20-ին հայտնել ենք նաև մեկ դատախազներից մեկի՝ կորոնավիրուսով ախտորոշման մասին, որը դեռևս փաստացի բուժում է ստանում։