Երգչուհի Շուշան Պետրոսյանի կարծիքով՝ Ադրբեջանի կողմից այսքան մեծ թվով սահմանային խախտումների դեպքում չի կարելի Հայաստանից ներկայացուցիչ ուղարկել Բաքու՝ մասնակցելու «Եվրատեսիլ 2012»-ին: Նա գտնում է, որ, չնայած շատերի կարծիքով, պետք է այդ մասնակցությունը, բայց ո՞վ իր զավակին այնտեղ կուղարկեր:

Երգչուի, երգահան Լիլիթ Պիպոյանը «Եվրատեսիլ 2012»-ին մասնակցելը չի կապում անվտանգության հետ, որովհետև դա կապահովվեր: Սակայն նա չի հասկանում, թե դրանով մենք ինչ հաղորդագրությամբ ենք ներկայանում, ստացվում է, որ ասում ենք՝ «տեսեք ինչ լավ ենք երգում, մեզ ընդունեք»:

«Բայց ինչի՞ համար գնան, երբ դա թշնամու երկիր է: Պետք չէր, որ մեր երաժիշտները ներկա գտնվեին այդ երկրում, այդ բեմում»,- հավելեց Լ. Պիպոյանը:

Հակառակ կարծիքին էր «Հրապարակ» օրաթերթի գլխավոր խմբագիր Արմինե Օհանյանը, ով գտնում է, որ տարիներ շարունակ Ադրբեջան են գնացել տաբեր ոլորտների ներկայացուցիչներ, որևէ խնդիր չի առաջացել, և այնտեղ ոչինչ տեղի չէր ունենա: Նա գտնում է, որ Ադրբեջանի հետ կոնֆլիկտը մի օր պետք է լուծվի, բայց եթե 2012 թ.-ին անգամ նման խնդիր է առաջանում, ապա այդ կոնֆլիկտը դեռ կձգվի երկար տարիներ, ինչը Ա. Օհանյանին վախեցնում է:

Վերջինիս կարծիքով՝ «Եվրատեսիլը» շարունակում է մնալ նույն մրցույթն ու համերգը, և շատ բան չէր փոխվում, եթե դա անց է կացվում Բաքվում: Առավել ևս, որ «Դորիանս» խումբը պատրաստակամ էր մասնակցել մրցույթին:  

Շ. Պետրոսյանը հավելեց, որ չի սիրում այդ մրցույթը, անգամ երդվել էր դրա մասի չխոսել, բայց «դատապարտվածի նման նայում է, որովհետև մերոնք են գնում»: