Գեղարքունիքի մարզպետ Գնել Սանոսյանը ֆեյսբուք սոցիալական կայքի իր էջում գրառում է կատարել՝ նշելով, որ Վարդենիսի բուժհաստատությունների աշխատակիցները դուրս են եկել ինքնամեկուսացումից։

«Մայիսի 2-ին լրացել է «Վարդենիսի պոլիկլինիկա» ՊՓԲԸ-ի եւ «Վարդենիսի հիվանդանոց» ՊՓԲԸ-ի աշխատակիցների 14 օրյա ինքնամեկուսացման ժամկետը։ Ի ուրախություն բոլորիս, աշխատակիցների շրջանում արված կորոնավիրուսային հիվանդության կրկնակի թեստերն արձանագրել են բացասական արդյունք` հիվանդանոցի 76 եւ պոլիկլինիկայի 64 աշխատակիցների մոտ։