Լատվիայի, Լիտվայի և Էստոնիայի իշխանությունները պայմանավորվել են մայիսի 15-ից բացել ներքին սահմանները։ Այդ մասին «Twitter»-ի իր միկրոբլոգում հայտնել է Լատվիայի վարչապետ Կրիշյանիս Կարինշը։

Šodien video konferencē ar @ratasjuri un @Skvernelis_S vienojāmies par iekšējo robežu atvēršanu no 15. maija un brīvu Baltijas valstu iedzīvotāju kustību. Iedzīvotājiem, kuri ieradīsies no citām valstīm, arī turpmāk jāievēro 14 dienu pašizolācija.

— Krišjānis Kariņš (@krisjaniskarins) May 6, 2020

Այլ երկրներից Բալթյան պետություններ ժամանողները, ներքին սահմանների բացվելուց հետո, պարտավոր կլինեն 14 օր շարունակ գտնվել ինքնամեկուսացման ռեժիմի մեջ, հավելել է Կարինշը։

Մայիսի 6-ի տվյալներով Լատվիայում կորոնավիրուսային ինֆեկցիա է հայտնաբերվել 900 անձանց մոտ։ 17 մարդ մահացել է, 464-ը՝ ապաքինվել։ Լիտվայում COVID-19 կորոնավիրուսի վարակակիրների թիվը հասել է 1428-ի, 48 մարդ մահացել է, 718-ը՝ ապաքինվել։ Էստոնիայում էլ հիվանդությունը հայտնաբերվել է 1713 անձանց մոտ, 55 պացիենտներ մահացել են, 264-ը՝ ապաքինվել։ Էստոնիան, Լատվիան և Լիտվան իրենց սահմանները փակել էին մարտի կեսերից։

Լուսանկարում էստոնիայի մայրաքաղաք Տալլինը