Մոսկվայի ժամանակով 15:40-ին Ռուսաստանի մայրաքաղաքից չվերթ է նախատեսված դեպի Հայաստան: Այս մասին «Հետքին» հայտնեց Արտաքին գործերի նախարարության մամուլի խոսնակ Աննա Նաղդալյանը:

Նրա փոխանցմամբ՝ Ռուսաստանից Հայաստան է վերադառնալու Հայաստանի 220 քաղաքացի: Նրանք 14-օրյա ինքնամեկուսացման ռեժիմի են անցնելու:

Նշենք, որ երեկ փոխվարչապետ Տիգրան Ավինյանը հայտնեց, որ մայիսի 15-ից կանոնավոր չվերթեր են վերականգնվելու Ռուսաստանի Դաշնությունից, և այնտեղ գտնվող ՀՀ քաղաքացիները շաբաթը երկու անգամ հնարավորություն են ունենալու հայրենիք վերադառնալու: