Սոչի-Երեւան չվերթը կկայանա ուշացումով
Այսօր ռուսական «Red Wings» ավիաընկերությունը չարտերային չվերթ է իրականացնում Սոչիից Երեւան, որով ՀՀ են տեղափոխվելու մեր հայրենակիցները: Չվերթի մասին նախապես հայտարարել էր Ռուսաստանում Հայաստանի դեսպանությունը, այսօր էլ հաղորդագրություն էր տարածել ՀՀ քաղավիացիայի կոմիտեն:
Ադլերի օդանավակայանի չվացուցակի համաձայն՝ Սոչիից մեկնումը նախատեսված էր տեղական ժամանակով 17:00-ին, սակայն այն կկայանա ուշացումով՝ 18:30-ին (Երեւանի ժամանակով՝ 19:30-ին), իսկ ժամանումը «Զվարթնոց» օդանավակայան՝ Երեւանի ժամանակով 21:00-ին, չնայած «Զվարթնոցի» կայքը որպես հաշվարկային ժամանակ նշում է 20:30-ը (Սոչի-Երեւան թռիչքը տեւում է մոտ 1 ժամ): Թռիչքն իրականացվելու է «Airbus A321» օդանավով:
ՔԱԿ-ն այսօր հայտարարել է, որ պարետի ցուցումով ՀՀ զբոսաշրջության կոմիտեն կուղեկցի ժամանած ուղեւորներին դեպի ինքնամեկուսացման վայրեր, այսինքն՝ նրանց կողմից նախապես տրված հասցեներ, հետեւաբար ժամանող ուղեւորների հարազատները կարիք չունեն գալ օդանավակայան։
Մեկնաբանել