![](/static/articles/11/73/09/l-PjDjIuXZBv.jpg)
Կորոնավիրուսի համավարակը փլուզել է եվրոպական ավտոշուկան
COVID-19 կորոնավիրուսի համավարակը հանգեցրել է եվրոպական ավտոշուկայի մասշտաբային փլուզման։ Այդ մասին գրում է «Deutsche Welle» պարբերականը։ Ավտոշուկայի փլուզման պատճառը դարձել է մի քանի շաբաթով ավտոարտադրության փաստացի դադարեցումը, ինչպես նաև սահմանափակումների պատճառով դիլերային կենտրոնների փակումը։
Ավտոմեքենաների արտադրության եվրոպական ասոցիացիան մայիսի 19-ին Բրյուսելում հայտարարել է, որ ի տարբերություն 2019 թվականի ապրիլ ամսվա, այս տարվա ապրիլին ԵՄ-ում թեթև մարդատար նոր ավտոմեքենաների վաճառքը կրճատվել է 76,3 %-ով։ Ասոցիացիայի տվյալներով՝ սա ամենամեծ անկումն է՝ վիճակագրության վարման մեկնարկից ի վեր։ 2020 թվականի առաջին չորս ամիսների ցուցանիշներով՝ նոր արտադրված ավտոմեքենաների վաճառքի ցուցանիշն ընկել է 38,5 %-ով։ Վիճակագրության մեջ ներառված են ԵՄ անդամ պետությունները, ինչպես նաև Իսլանդիան, Նորվեգիան, Շվեյցարիան և Մեծ Բրիտանիան։
?? Passenger #car registrations: ? -38.5% four months into 2020; ? -76.3% in April #COVID19 | PRESS RELEASE: https://t.co/rT3repkOoo pic.twitter.com/IzaQ4tbM4H
— ACEA (@ACEA_eu) May 19, 2020
Հատկանշական է, որ նոր ավտոմեքենաների վաճառքն ամենաշատն անկում է գրանցել եվրոպական երկրներում, հատկապես կորոնավիրուսի համավարակից ամենաշատը տուժած երկրներում, որոնք կիրառել են սահմանափակման բավականին խիստ միջոցներ։ Իտալիայում գրանցել է 97,6 % անկում, Իսպանիայում՝ 96,5 %, Բելգիայում՝ 90,1 %, Ֆրանսիայում՝ 88,8 %, Իռլանդիայում՝ 96,1 %, իսկ Մեծ Բրիտանիայում՝ 97,3 %: Ապրիլին Գերմանիայում ավտոմեքենաների վաճառքն ընկել է 61,1 %-ով։
Լուսանկարը՝ «Reuters» գործակալության
Մեկնաբանել