Մայիսի 28-ին, ժամը 11։00-ի դրությամբ Հայաստանում գրանցվել է կորոնավիրուսային հիվանդության 442 նոր դեպք։ Այսպիսով՝ հաստատված դեպքերի ընդհանուր քանակը 8216 է։

Առողջապահության նախարարության Հիվանդությունների վերահսկման եւ կանխարգելման ազգային կենտրոնի հաղորդմամբ՝ մեկ օրվա ընթացքում մահացել է 15 մարդ։ Նրանցից ամենատարեցը 92 տարեկան է, իսկ երիտասարդը՝ 43։

Ընդհանուր առմամբ, մինչ օրս կորոնավիրուսից մահացել է 113 մարդ։ Այլ պատճառով մահվան ելքերի ընդհանուր թիվը 44 է։ 

Առողջացածների թիվը երեկվա դրությամբ ավելացել է 32-ով` ընդհանուր 3287 մարդ։ 

Այս պահին փաստացի բուժում է ստանում 4772 պացիենտ։

Մինչ օրս արված թեստերի ընդհանուր քանակը 54931 է։