Տեսանյութեր
Լուսանկարներ
Հայաստան է առաքվել 28 հազար պաշտպանիչ բժշկական հանդերձանք և 20 հազար N95 շնչառական դիմակ
Եվրոպական միության և Առողջապահության համաշխարհային կազմակերպության ջանքերով Հայաստան է առաքվել 28 հազար պաշտպանիչ բժշկական հանդերձանք և 20 հազար N95 շնչառական դիմակ առողջապահական ոլորտի աշխատակացիների համար: Այս մասին հաղորդում է Առողջապահության համաշխարհային կազմակերպությունը։
Պարագաները ձեռք է բերել ԱՀԿ-ն՝ ԵՄ-ի ֆինանսական աջակցությամբ, համաճարակի դեմ պայքարի շրջանակում Հայաստանին շարունակաբար օժանդակելու նպատակով:
Հայաստանում ԵՄ պատվիրակության ղեկավար, դեսպան Անդրեա Վիկտորինը, Հայաստանում ՄԱԿ-ի մշտական համակարգող Շոմբի Շարփը և Հարավային Կովկասում ԱՀԿ գրասենյակի՝ առողջապահության ոլորտում արտակարգ իրավիճակների պատրաստվածության ծրագրի համակարգող Վասիլի Եսենամանովը, նոր ստացված պաշտպանիչ պարագաներն այսօր հանձնել են առողջապահության նախարարի տեղակալ Լենա Նանուշյանին՝ դրանք հանրապետության ողջ տարածքում բաշխելու նպատակով:
Հայաստան առաքված պաշտպանիչ բժշկական հանդերձանքն ու շնչառական դիմակները ձեռք են բերվել հաշվի առնելով առողջապահական համակարգի կարիքները և դրանք տրամադրվելու են բացառապես բուժաշխատողներին:
Մեկնաբանել