Հանրապետության նախագահ Արմեն Սարգսյանի հրամանագրով՝ Միքայել Համբարձումյանը նշանակվել է Ազգային անվտանգության ծառայության (ԱԱԾ) տնօրենի տեղակալ:

«Հիմք ընդունելով վարչապետի առաջարկությունը` համաձայն Սահմանադրության 133-րդ հոդվածի 1-ին մասի, ինչպես նաև «Ազգային անվտանգության մարմիններում ծառայության մասին» օրենքի 18-րդ հոդվածի 2-րդ մասի.

Միքայել Համբարձումյանին նշանակել Հայաստանի Հանրապետության ազգային անվտանգության ծառայության տնօրենի տեղակալ»,- ասվում է նախագահի հրամանագրում:

Միքայել Համբարձումյանը մինչ այս ղեկավարում էր ԱԱԾ քննչական դեպարտամենտը:

Հիշեցնենք, որ այսօր նախագահի մեկ այլ հրամանագրով ԱԱԾ տնօրենի տեղակալ էր նշանակվել նաև Արմեն Աբազյանը: