HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Վահե Սարուխանյան

Հայաստանի հավաքականն սկսեց նախապատրաստվել Ազգերի լիգայի խաղարկությանը

Հայաստանի ֆուտբոլի ֆեդերացիան հայտնել է, որ ազգային ընտրանին այսօր առավոտյան սկսել է նախապատրաստվել սեպտեմբերի 5-ին եւ 8-ին Հյուսիսային Մակեդոնիայի ու Էստոնիայի հետ կայանալիք հանդիպումներին, որոնցով մեր թիմը կմեկնարկի Ազգերի լիգայի 2020-2021 թթ. խաղարակությունում:

Հիշեցնենք, որ ամսի 5-ին մեր թիմը Սկոպիեում կհյուրընկալվի Հս. Մակեդոնիային, խաղը կմեկնարկի Երեւանի ժամանակով 17:00-ին: Ամսի 8-ին Խոակին Կապառոսի սաները Երեւանի «Հանրապետական» մարզադաշտում կընդունեն էստոնացիներին: Հանդիպումը կսկսվի 20:00-ին:

Ֆեդերացիան հայտնել է, որ ՀՖՖ տեխնիկական կենտրոն/ֆուտբոլի ակադեմիայում սկսված մարզական հավաքին միացել են Կապառոսի կողմից հրավիրված բոլոր 23 ֆուտբոլիստները։ Հավաքը մեկնարկել է ֆուտբոլիստների թեստավորումով:

Երեկոյան էլ Կապառոսի գլխավորությամբ տեղի է ունեցել առաջին մարզումը, որին մասնակցել են բոլոր հրավիրվածները: Խաղային վարժություններից հետո հավաքականն անցկացրել է երկկողմանի խաղ՝ ընթացքում փոփոխելով թիմերի կազմերը: Վաղն ազգային ընտրանին կանցկացնի եւս երկու մարզում:

Լուսանկարը՝ ՀՖՖ-ի

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter