HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Սեդա Ղուկասյան

Արցախի անկախությունը ճանաչելը Հայաստանի օրակագում է

Խորհրդարանում շարունակվում է իրավունքի ուժով հրավիրված հատուկ նիստը:

«Լուսավոր Հայաստան» խմբակցության ղեկավար Էդմոն Մարուքյանը հետաքրքրվեց, թե ստեղծված իրավիճակում Հայաստանը չի պատրաստվում արդյոք ճանաչել Արցախի անկախությունը: Մարուքյանի խոսքով, եթե նախկինում բանակցություններ էին, և ճանաչումը կարող էր լայնածավալ գործողությունների հանգեցնել, ապա այժմ նման խնդիր չկա, արդեն իսկ լայնածավալ գործողություններ են:

Վարչապետ Նիկոլ Փաշինյանն արձագանքեց` այդ հարցը ինչպես նախկինում է եղել մեր օրակարգում, այնպես էլ հիմա: Վարչապետն ընդգծեց` այդ հարցը լրջորեն պետք է քննարկել, ապա հավելեց` գուցե այս հարցուպատասխանից հետո հանրային քննարկում սկսվի Արցախի անկախությունը ճանաչելու հարցի վերաբերյալ:

Անկախ պատգամավոր Արման Բաբաջանյանը հետաքրքրվեց` արդյոք մեր երկրում հավատարմագրված դեսպանների հետ հանդիպում եղել է, թե ոչ: Վարչապետ Փաշինյանն արձագանքեց` ԱԳ նախարար Զոհրաբ Մնացականյանը ներկա չէ նիստին, քանի որ ակտիվ շփումներ է ունենում դեսպանների ու միջազգային գործընկերների հետ ու տեղեկություններ փոխանցում իրավիճակի վերաբերյալ: Փաշինյանը կարևորեց սահմանային իրավիճակի վերաբերյալ համապարփակ տեղեկատվության փոխանցումը, թե ով է հարձակվել, ինչպես նաև Արցախի հարցի պատմությունը թարմացնելը:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter