HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Անյա Սարկիսովա

Արտակ Բեգլարյան. «Արտակարգ իրավիճակների ծառայությանը հասցրած վնասը պատերազմական հանցագործություն է»

Ստեփանակերտի հոկտեմբերի 2-ի հրթիռակոծությունից քաղաքացիական անձինք են վիրավորվել:

«Առաջին անգամ Ստեփանակերտ քաղաքը այսօր՝ հոկտեմբերի 2-ին, շատ խոշոր հրթիռային միջոցներից հարվածներ է ստացել, Ստեփանակերտի ուղղությամբ արձակվել է 4 հրթիռ, որի հետևանքով տուժել են քաղաքացիական օբեկտներ ու քաղաքացիական բնակչություն»,- ուշ երեկոյան կայացած ասուլիսի ընթացքում հայտնեց Արցախի մարդու իրավունքների պաշտպան Արտակ Բեգլարյանը:

Անդրադառնալով առավոտյան հրթիռակոծության հետեւանքով Արտակարգ իրավիճակների ծառայությանը հասցրած վնասին՝ Արտակ Բեգլարյանը նշեց, որ կատարվածը պատերազմական հանցագործություն է, քանի որ ոչ թե պատահականություն է, այլ դիտավորյալ թիրախավորում:

Նախնական տվյալներով՝ վիրավորվել է 7 հոգի: ՄԻՊ-ը նշեց, որ միջազգայի հանրությունը լուրջ անելիք ունի: «Մարդասիրական գործառույթ իրականացնող կառույցի թիրախավորումը չպետք է լուռ կերպով անցնի»,-ասաց Բեգլարյանը:

Պաշտպանն անդրադարձավ նաև հոկտեմբերի 2-ին Մարտակերտում լրագրողների խումբ տեղափոխող ավտոբուսի թիրախավորմանը՝ շեշտելով, որ լրագրողների թիրախավորումը եւս պիտի միջազգային արձագանք ստանա:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter