HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Սեդա Ղուկասյան

Մարուքյանն առաջարկում է դռնփակ նիստ հրավիրել վարչապետի հետ

Խորհրդարանի հերթական նիստն այսօր մեկնարկեց արցախա-ադրբեջանական սահմանին ընթացող պատերազմում զոհված հայ զինծառայողների և կամավորների հիշատակը մեկ րոպե լռությամբ հարգելով:

«Լուսավոր Հայաստան» խմբակցության պատգամավոր Էդմոն Մարուքյանը կոչ արեց վարչապետ Նիկոլ Փաշինյանի հետ դռնփակ հանդիպում կազմակերպել: Մարուքյանը հիշեցրեց, որ բացի առաջնագիծը գոյություն ունի երկրորդ ճակատ` արտաքինը, հետևաբար պատգամավորները ևս ցանկանում են իմանալ, թե ինչ խոսակցություններ են ընթանում Հայաստանի ու ԵԱՀԿ Մինսկի խմբի համանախագահող երկրների միջև: Մարուքյանն ասաց, որ նման հարցերը չի կարող ԱԺ-Կառավարություն հարցուպատասխանին ուղղել:

«Վարչապետին առաջարկում եմ իրեն հարմար ժամի նման հանդիպում կազմակերպել յուրաքանչյուր խմբակցությունից մեկ պատգամավորի հետ կամ ԱԺ խորհրդի կազմով»,-ասաց նա:

ԱԺ նախագահ Արարատ Միրզոյանն ասաց, որ արտաքին քաղաքական դաշտում ընթացող բոլոր գործընթացների վերաբերյալ ինչքան հնարավոր է թափանցիկ ու հրապարակային տեղեկություն է հաղորդվում, սակայն նշեց, որ խնդիր չի տեսնում նման ձեւաչափով հանդիպում կազմակերպելու մեջ։ Միրզոյանը խոսատացավ խոսել վարչապետի հետ:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter