HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Մևլյութ Չավուշօղլու. «Անկարան պատրաստ է Բաքվին տրամադրել ցանկացած օգնություն»

Թուրքիան պատրաստ է Ադրբեջանին ցանկացած ոլորտում տրամադրել աջակցություն, եթե Բաքուն դրա կարիքն ունենա: Այս մասին երեքշաբթի օրը՝ հոկտեմբերի 6-ին, հայտարարել է Թուրքիայի արտաքին գործերի նախարար Մևլյութ Չավուշօղլուն ՝ Ադրբեջանի նախագահ Իլհամ Ալիևի հետ Բաքվում կայացած հանդիպման ընթացքում:

«Այսօր ադրբեջանական ժողովուրդը պայքարում է իր հողերի ազատագրման համար և ի վիճակի է իրագործել դա: Դրա համար նա ունի ուժ և պոտենցիալ: Իհարկե, Թուրքիան և թուրք ժողովուրդը պատրաստ են Ադրբեջանին աջակցություն տրամադրել ցանկացած ոլորտում, եթե Բաքուն դրա կարիքն ունենա»,- նշել է Թուրքիայի արտգործնախարարը:

Չավուշօղլուն շեշտել է, որ եկել է Բաքու, որպեսզի «մեկ անգամ ևս ցույց տա Թուրքիայի և թուրք ժողովրդի կողմից ցուցաբերվող աջակցությունը Ադրբեջանին»:

Ալիևն իր հերթին նշել է, որ Անկարայի աջակցությունը ուժ է տալիս Ադրբեջանին: «Այն ոգեշնչում ու լրացուցիչ ուժ է տալիս մեզ և միևնույն ժամանակ կարևոր դեր է խաղում տարածաշրջանում կայունության ու խաղաղության ապահովման գործում»,- նշել է Ալիևը: Ըստ նրա՝ Թուրքիայի նախագահ Ռեջեփ Թայիփ Էրդողանի «վճռական հայտարարությունները» «ամբողջ աշխարհին ցույց տվեցին, որ Ադրբեջանը միայնակ չէ»:

Լուսանկարը՝ «Anadolu» գործակալության

Հայկ Մանթաշյան

Հետք Մեդիա Գործարանի ուսանող

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter