HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Տիրայր Մուրադյան

13 կուսակցություն պահանջում է հրատապ կարգով ստեղծել ռազմաքաղաքական հարցերի օպերատիվ կառավարման շտաբ

Հայաստանի արտախորհրդարանական 13 քաղաքական ուժեր Արցախում ստեղծված իրավիճակի վերաբերյալ միասնական հայտարարություն են ընդունել, որը ՀՅԴ «Սիմոն Վրացյան» կենտրոնում ներկայացրեց ՀՅԴ Գերագույն մարմնի ներկայացուցիչ Իշխան Սաղաթելյանը։ 

Կուսակցությունները պահանջում են Հայաստանի կառավարությունից հրատապ կարգով ստեղծել ռազմաքաղաքական հարցերի օպերատիվ կառավարման շտաբ-պետական հատուկ մարմին։ Այդ մարմնինը պետք է ունենա որոշումներ ընդունելու, օպերատիվ գործողություններ ծրագրելու և համակարգելու իրավասություն։

Բացի այդ պաշտպանությունն արդյունավետ կազմակերպելու համար կառավարությունից պահանջում են ներգրավել Հայաստանի և Արցախի Հանրապետությունների նախկին և գործող  նախագահներին, վարչապետներին, պաշտպանության և արտաքին գործերի նախարարներին, ռազմական և քաղաքական փարձառություն ունեցող այլ անձանց:

Իշխան Սաղաթելյանը պարզաբանեց, որ պատերազմի առաջին օրերից  քաղաքական ուժերը միասնական են եղել, մի կողմ են դրել իշխանությունների հետ ունեցած տարաձայնությունները։ 20 օրերի ընթացքում քաղաքական ուժերը պարբերաբար հանդիպումներ են ունեցել և պատրաստ են օպերատիվ շտաբի և նախագահների հանդիպման օրակարգով հանդիպել վարչապետ Նիկոլ Փաշինյանի հետ։

ՀՅԴ ներկայացուցիչն ասաց, որ հայտարարության վերաբերյալ իրենք տեղեկացրել են Հայաստանի և Արցախի նախկին նախագահներին, հայտարարության տեքստը հրապարակվելուց հետո կուղարկվի նրանց, որոնք իրենց դիրքորոշումը կհայտնեն։ Այս հարցի հետ կապված վարչապետի Նիկոլ Փաշինյանի հետ առանձին քննարկում տեղի չի ունեցել։

Հայտարարությանը միացել են ստորև նշված կուսակցությունները

«Ազատություն» կուսակցություն

«Ազգային օրակարգ» կուսակցություն

«Ազգային ժողովրդավարական միություն» կուսակցություն

«Ազգային ինքնորոշում միավորում» կուսակցություն

«Երկիր Ծիրանի» կուսակցություն

«Ժառանգություն» կուսակցություն

 «Համերաշխություն» կուսակցություն

«Հայ Յեղափոխական Դաշնակցություն»

«Հայաստանի դեմոկրատական կուսակցություն»

«Հայաստանի Հանրապետական կուսակցություն»

«Հայրենիք» կուսակցություն

«Հանուն սոցիալական արդարության» կուսակցություն

«Մեկ Հայաստան» կուսակցություն

Մեկնաբանություններ (3)

Vard
@Ana Thank you for writing what most of Armenians believe at this moment. The old establishment had 30 years to fix many things but they chose to enrich themselves instead. And what good they can do now?? Please for God sake respect the choice of Armenian people and their leadership and work with them. .
Berge
ARF Shut-up!
Ana
At the time that Armenia needs to stand united against Turk and Azeri aggression, this message and your action will create more division amongst our people. For more than 30 years, the old establishment was in place and some abused their power in order to line their own pockets. Stop this opportunistic and power grabbing approach to bring back corruption and create division. We need to stand united under Pashinian and Artsakh's current leadership. If you truly want to help, work with them.

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter