Լեհաստանի մի քանի քաղաքների իշխանությունները կորոնավիրուսի պատճառով չեղարկել են ամանորյա զանգվածային միջոցառումները։ Այդ մասին հայտնել է Կալինինգրադում լեհական մշակութային կենտրոնը՝ հղում անելով Gazeta Wyborcza պարբերականին։

Զանգվածային միջոցառումները չեղարկվել են Վարշավայում, Պոզնանում, Գդանսկում, Գդինյայում և մի շարք այլ քաղաքներում։ Նախորդ տարիներին, օրինակ` Վարշավայի Բանկային հրապարակում, ամանորյա գիշերը կազմակերպվում էր լեհական և համաշխարհային աստղերի մասնակցությամբ համերգ։

Պետական պաշտոնյաները կարծում են, որ զանգվածային միջոցառումները նպաստում են կորոնավիրուսի տարածմանը։ Բացի այդ, դրանք պահանջում են մեծ ծախսեր, այն դեպքում, երբ համաճարակը մեծ հարված է հասցրել լեհական տնտեսությանը։

Հոկտեմբերի 21-ի դրությամբ Լեհաստանում հայտնաբերվել է կորոնավիրուսի 202 579 դեպք։ Վերջին մեկ օրվա ընթացքում նոր դեպքերի թիվը կազմել է 10 040։ Ընդհանուր առմամբ, կորոնավիրուսից մահացել է 3851 մարդ։

Լուսանկարը՝ WOJTEK RADWANSKI/AFP VIA GETTY IMAGES