Առողջապահության նախարարությունը տեղեկացնում է, որ հոկտեմբերի 30-ի ժամը 11:00-ի դրությամբ հաստատվել է կորոնավիրուսային հիվանդության 2398 նոր դեպք, ընդհանուր՝ 87432 դեպք, որոնցից 54316-ն` առողջացած, 1300-ը` մահվան ելքով:

Կորոնավիրուսային հիվանդությամբ այս պահին փաստացի բուժում է ստանում 31458 պացիենտ: Ընդհանուր առմամբ կատարվել է 397596 թեստավորում: Երեկ կատարվել է 4936 թեստավորում։

ԱՆ-ն հայտնում է, որ հոկտեմբերի 29-ին մահացել է 28 հոգի։ Նախորդ օրն արձանագրվել է մահվան 4 դեպք, երբ պացիենտներն ունեցել են կորոնավիրուսային վարակ, սակայն մահը վրա է հասել այլ հիվանդության պատճառով։

Այդպիսի դեպքերի ընդհանուր թիվը 358 է: