![](/static/articles/12/40/00/l-YhcPG0UZMQ.jpg)
Դոնալդ Թրամփը կոչ է արել դադարեցնել քվեաթերթիկների հաշվարկը, իսկ Նյու Յորքում ցուցարարները բախվել են ոստիկանության հետ
ԱՄՆ գործող նախագահ Դոնալդ Թրամփը հինգշաբթի՝ նոյեմբերի 5-ին, կոչ է արել դադարեցնել նախագահական ընտրությունների քվեաթերթիկների հաշվարկը։ Այդ մասին նա գրառում է արել թվիթերյան իր միկրոբլոգում։
«Դադարեցրեք հաշվարկը»,- գրել է Թրամփը։
STOP THE COUNT!
— Donald J. Trump (@realDonaldTrump) November 5, 2020
Նախագահական ընտրությունների վերջին օրը նոյեմբերի 3-ն էր, սակայն ամերիկացիների ընտրություններին մասնակցության աննախադեպ բարձր թվի պատճառով, մի քանի նահանգներում շարունակվում է քվեաթերթիկների հաշվարկը։ Բացի այդ, բազմաթիվ ամերիկացիներ քվեարկել են փոստի միջոցով։ Ընդ որում, Թրամփը պնդում է, որ չպետք է հաշվարկվեն այն քվեաթերթիկները, որոնք փոստով ստացվել են ընտրատեղամասերի փակումից հետո։
Ներկայումս իրավիճակը Թրամփի օգտին չէ։ Նա արդեն իսկ հայտարարել է, որ դատական կարգով կպահանջի որոշ նահանգներում քվեաթերթիկների վերահաշվարկ իրականացնել, որտեղ հաղթել է նրա մրցակից Ջո Բայդենը։ Նման իրադրության պահպանման պարագայում Բայդենը կստանա անհրաժեշտ թվաքանակով ընտրիչների ձայները (270 ձայն)։ Թրամփը, ամենայն հավանականությամբ, չի ընդունի պարտությունը, և ԱՄՆ նախագահական ընտրությունների ելքը կվճռվի դատարաններում։ Մինչև ընտրությունները հայտարարվել էր, որ և՛ հանրապետականները, և՛ դեմոկրատները պատրաստվում են այսպիսի սցենարի և վարձել են իրավաբանների հատուկ թիմեր։
Զուգահեռաբար, հետընտրական իրավիճակն այդքան էլ հանգիստ չէ Միացյալ Նահանգների խոշոր քաղաքներում։ Նյու Յորքի ոստիկանությունը բերման է ենթարկել բողոքի ցույցերի առնվազն 58 մասնակիցների։ Այդ մասին գրում է The New York Times»-ը՝ հղում անելով անանուն աղբյուրին։
Ինչպես գրում է ABC News-ը, մի քանի հարյուր ցուցարարներ դուրս են եկել Մանհեթենի փողոցներ՝ պահանջելով նախագահական ընտրությունների ձայների արդար հաշվարկ։ Ցուցարարներն անցել են Նյու Յորքի Հինգերորդ պողոտայով՝ հանդես գալով «արդարության, ազնվության և ժողովրդավարության օգտին»։
"Count The Vote" protest on 5th Ave in NYC pic.twitter.com/902T3DazfY
— Fifty Shades of Whey (@davenewworld_2) November 5, 2020
The New York Times-ը նշել է, որ ոստիկանները արգելափակել են ցուցարարների երթը՝ կիրառելով քեթլինգի մեթոդը, որից հետո սկսել բերման ենթարկել։
NYPD currently kettling protestors at 5th Ave & 8th St. pic.twitter.com/GR2tLOtdhZ
— NYC Protest Updates 2020 (@protest_nyc) November 5, 2020
Նյու Յորքի ոստիկանությունը թվիթերյան իր միկրոբլոգում հայտնել է, որ «ճանաչում և արժևորում է խոսքի ազատությունը», իսկ ցուցարարները բերման են ենթարկվել այն ժամանակ, երբ սկսել են կրակ վառել և ձվեր ու աղբ նետել Մանհեթենում։ Ոստիկանությունը հայտնել է 20 բերման ենթարկվածների մասին։
We appreciate and value the importance of freedom of speech. Our top priority is and always will be safety. We have arrested more than 20 individuals who attempted to hijack a peaceful protest by lighting fires, throwing garbage and eggs in Manhattan. pic.twitter.com/5SzZ6lDWEz
— NYPD NEWS (@NYPDnews) November 5, 2020
ABC News-ի աղբյուրները նշում են, որ ձերբակալվածները մեղադրվում են ձերբակալության դիմադրության, հանրային կարգի խախտման և չարտոնված ցույցի անցկացմանը մասնակցելու մեջ։ Ոստիկանությունը նաև հայտնել է, որ որոշ ձերբակալվածների մոտ հայտնաբերվել է զենք, այդ թվում նաև դանակներ և M-80 պայթուցիկներ։
Նյու Յորքում բողոքի ցույցերն սկսվել են այն բանից հետո, երբ ԱՄՆ գործող նախագահ Դոնալդ Թրամփը պահանջել էր դադարեցնել քվեաթերթիկների հաշվարկը Միչիգան և Փենսիլվանիա նահանգներում, որոնց արդյունքներից կախված կլինի ընտրությունների ելքը։ Բայդենը արդեն իսկ հաղթել է Միչիգանում, սակայն Թրամփը չի ընդունում այդ արդյունքները։
Լուսանկարը՝ Marcio Jose Sanchez/Associated Press
Մեկնաբանել