Եվրամիության տնտեսությունը, իր պատմության ամենավատ ռեցեսիայից հետո, նախաճգնաժամային մակարդակին կվերականգնվի միայն երկու տարի անց։ Այդ մասին նոյեմբերի 5-ին հայտարարել է Իտալիայի նախկին վարչապետ, տնտեսության հարցերով եվրոկոմիսար Պաոլո Ջենտիլոնին։ Նրա խոսքերով՝ տնտեսության վերականգնմանը խանգարում է կորոնավիրուսի երկրորդ ալիքը։

Եվրահանձնաժողովը, կոնյուկտուրայի վերաբերյալ իր նոր կանխատեսման մեջ, որոշակիորեն բարելավել է ընթացիկ տարվանից ակնկալվող սպասումները։ Վերլուծաբանների գնահատմամբ՝ 2020 թվականին Եվրամիության տնտեսության անկումը կկազմի 7,4 % (հուլիսյան կանխատեսմամբ՝ 8,3 %), մեկ տարի անց աճը կկազմի 4,1 %, իսկ 2022 թվականին՝ 3 %։ Եվրագոտու երկրների համախառն ներքին արդյունքի անկումը ընթացիկ տարվա ընթացքում կկազմի 7,8 % (ամառային գնահատմամբ՝ 8,7 %), սակայն 2021 թվականին աճը կկազմի 4,2 %, իսկ մեկ տարի անց՝ 3 %։

Economic activity in Europe suffered a severe shock in the 1st half of the year and rebounded in the 3rd quarter.

The resurgence of the pandemic is unleashing yet more uncertainty and dashing our hopes for a quick rebound.#ECForecast

— European Commission ?? (@EU_Commission) November 5, 2020

Կորոնավիրուսի համավարակի պատճառով ԵՄ անդամ երկրներից ամենաշատը տուժել են Իսպանիայի, Իտալիայի և Ֆրանսիայի տնտեսությունները։ Պաշտոնական Բրյուսելի կարծիքով հենց այս երկրների տնտեսությունները կգրանցեն ամենամեծ անկումը։ Այսպես, 2020 թվականին իսպանական ՀՆԱ-ի անկումը կկազմի 12,4 %։

Ընթացիկ տարվա ընթացքում Գերմանիայի ՀՆԱ-ն կկրճատվի 5,6 %-ով։ Հաջորդ տարի Եվրահանձնաժողովի փորձագետներն այս երկրի համար կանխատեսում են 3,5 % աճ և 2,6 %` 2022 թվականին։

Համավարակի տնտեսական հետևանքները չեն շրջանցել նաև աշխատաշուկան։ Եվրահանձնաժողովը ակնկալում է, որ 2020 թվականին գործազրկության մակարդակը կկազմի 7,7 % (մեկ տարի առաջ՝ 6,7 %), մեկ տարի անց այն կաճի մինչև 8,6 %-ի, իսկ 2022 թվականին կնվազի մինչև 8 %։

2020 թվականին եվրագոտում բյուջետային դեֆիցիտը կկազմի 8,8 %, սակայն հաջորդող տարիներին Եվրահանձնաժողովի փորձագետները ակնկալում են այդ ցուցանիշի նվազում։ Դեռ 2019 թվականին այն կազմել է 0,6 %։

Լուսանկարը՝ Getty Images-ի