Առողջապահության նախարարությունը հայտնում է, որ նոյեմբերի 10-ի ժամը 11:00-ի դրությամբ, հաստատվել է կորոնավիրուսային հիվանդության 1221 նոր դեպք` կատարված 3050 թեստավորումից:

Գրանցվել է մահվան 29 դեպք, առողջացել է 1925 քաղաքացի:

Նախորդ օրն արձանագրվել է մահվան 5 դեպք, երբ պացիենտներն ունեցել են կորոնավիրուսային վարակ, սակայն մահը վրա է հասել այլ հիվանդության պատճառով։ Այդպիսի դեպքերի ընդհանուր թիվը 412 է:

Մինչ օրս արձանագրվել է կորոնավիրուսային հիվանդության ընդհանուր 108687 դեպք, որոնցից 66835-ն` առողջացած, 1609-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 39831 պացիենտ: Ընդհանուր առմամբ կատարվել է 444224 թեստավորում: