HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Էդիկ Բաղդասարյան

ՀՔԾ-ն լռում է, ոստիկանությունը՝ շարունակում ծառայողական քննությունը

Ոստիկանության Արաբկիրի քննչական բաժնում՝ իտալացիներից առգրավված մոտ 10 հազար դոլարի անհետացման վերաբերյալ հրապարակումից հետո ոստիկանապետ Վ. Գասպարյանի հանձնարարությամբ ներքին անվտանգության վարչությունում սկսվել է ծառայողական քննություն

Փողի անհետացման մասին իմացել են իրավապահ մարմինների բազմաթիվ ներկայացուցիչներ` hանրապետության ոստիկանության պետի տեղակալ, քննչական գլխավոր վարչության պետ Գագիկ Համբարձումյանը, Արաբկիրի ոստիկանության պետ Արթուր Մեհրաբյանը, Արաբկիրի ոստիկանության քննչական բաժնի պետ Արծրուն Առաքելյանը, գործը քննող երեք քննիչները, վերահսկող դատախազը եւ Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի դատավոր Արմեն Խաչատրյանը:

Ոստիկանության «Հետքի» աղբյուրի փոխանցմամբ, բացի ոստիկանության ներքին անվտանգության վարչությունից` հրապարակումից հետո այս հարցով զբաղվել է նաեւ քննչական գլխավոր վարչության պետ Գագիկ Համբարձումյանը: Հենց նա է խնդրել ոստիկանապետին, որպեսզի ինքը զբաղվի իր ենթակայության տակ գտնվող կառույցով:

Գործը քննող քննիչները քննչական բաժնի պետ Արծրուն Առաքելյանի ներկայությամբ բացատրագրեր են գրել, որտեղ, բնականաբար, ժխտել են փողի անհետացման փաստը: Թե ինչ կարգավիճակով են նրանք գրել այդ բացատրագրերը, հայտնի չէ: Գագիկ Համբարձումյանը ոստիկանապետին զեկուցել է, որ Արաբկիրի քննչականում նման դեպք չի եղել: Նշենք, որ Արծրուն Առաքելյանը Գագիկ Համբարձումյանի սանիկն է: Իսկ վերջինիս որդին Արծրուն Առաքելյանի տեղակալն է:

Ոստիկանապետ Վլադիմիր Գասպարյանին, սակայն, արդեն հայտնի է դարձել, որ քննչականից իսկապես անհետացել է իտալացուց առգրավված գումարը: Նա հրահանգել է շարունակել ծառայողական քննությունը: Իսկ «Հետքը» սպասում է եւ առայժմ ձեռնպահ մնում իր մոտ եղած նյութերը հրապարակել:

Դժվար է ասել՝ ՀՔԾ-ն քրեական գործ կհարուցի՞, թե՞ ոչ, որովհետեւ հանցագործությունը պարտակողը, ըստ երեւույթին, վերը նշած պաշտոնյաներն են: Եվ եթե քրեական գործ հարուցվի, ապա պետք է ի սկզբանե պարզ լինի, թե ում են պատժելու: Հավանաբար, քավության նոխազը դեռ չի գտնվել, եւ հենց սա է հիմնական պատճառը, որ առայսօր քրեական գործ չի հարուցվել:

Մեկնաբանություններ (4)

Mrut
Heriqa animast sut baner greq, mardkanc [email protected] gceq, u amen angam dzer aporini nytern u [email protected] mejbereq! DA ORENQI XAXTUM E!!!!
Baron
Hargeli chakertner, ete inqnert dzer gracin havataiq, karcum em gone ete voch dzer anunov, apa kexcanunov handes kgaiq. Hima harc e cagum - um gracnern en anpatasxanatu u himar...
*******
dzer xexatyurvac texekutyunnerov mi porceq mardkanc anvan het xaxal,, u heriq e anpatasxanatu-himar hodvacner greq
MARD
Aystex qavutyan noxazi harc chka, amen inch parza, hancagorcutyan nyut chka. Et italacinerin harcreq iranq pox stacel en te voch?

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter