Առողջապահության նախարարությունը հայտնում է, որ դեկտեմբերի 1-ի՝ ժամը 11:00-ի դրությամբ, հաստատվել է կորոնավիրուսային հիվանդության 843 նոր դեպք՝ իրականացված 2490 թեստավորումից։ Գրանցվել է մահվան 29 դեպք, առողջացել է 1923 քաղաքացի։ 

Մինչ օրս հաստատվել է կորոնավիրուսային հիվանդության ընդհանուր 135967 դեպք, որոնցից 110365-ն` առողջացած, 2193-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 22850 պացիենտ: Ընդհանուր առմամբ կատարվել է 512617 թեստավորում: