Խորհրդարանի հերթական նիստը մեկնարկեց պատգամավորական մանդատը ստանձնած պատգամավոր Նարեկ Գրիգորյանի երդմամբ: Նա փոխարինում է մանդատը վայր դրած պատգամավոր Վարազդատ Կարապետյանին, «Իմ քայլը» դաշինքի համապետական ցուցակի հաջորդ համարն է:

Նարեկ Գրիգորյանը զբաղեցնում էր Գեղարքունիքի փոխմարզպետի պաշտոնը, 2016-2018 թվականներին եղել է Նորատուսի ավագանու անդամ:

Դեռևս 2019 թվականի սեպտեմբերին անդրադարձել էինք վերջինիս զինծառայությունից ազատմանը: «Հետք»-ին հայտնի էր դարձել, որ փոխմարզպետը զինծառայությունից ազատվել է ինքնավնասման միջոցով: Մեր հարցմանն ի պատասխան Նարեկ Գրիգորյանը հրաժարվել էր մանրամասներ հայտնել` հղում անելով Անձնական տվյալների պաշտպանության մասին օրենքին: