Խորհրդարանը հերթական նիստում ընդունեց 2021-ի պետական բյուջեի նախագիծը: Այն ընդունվեց 84 կողմ, 14 դեմ ձայների հարաբերակցությամբ: «Լուսավոր Հայաստան» խմբակցությունը մինչ քվեարկությունը հայտնել էր, որ դեմ է նախագծին, իսկ «Բարգավաճ Հայաստան» խմբակցությունը չէր մասնակցում նիստին: Հիշեցնենք, որ նախագծով կանխատեսվում է 3.2 տոկոս տնտեսական աճ:

Քվեարկությանը ներկա էր միայն Ֆինանսների նախարար Ատոմ Ջանջուղազյանը` չնայած Կառավարության ամբողջ կազմը պետք է ներկայացված լինի բյուջեի թե՛ քննարկմանը, թե՛ քվեարկությանը: