Դեկտեմբերի 11-ի, ժամը 11:00-ի դրությամբ Հայաստանում հաստատվել է կորոնավիրուսային հիվանդության 1077 նոր դեպք, մահացել է 29 մարդ:

Առողջապահության նախարարության հաղորդմամբ՝ ընդհանուր առմամբ մինչ օրս արձանագրվել է հիվանդության 146317 դեպք, որոնցից 123474-ն` առողջացած, 2445-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 19785 պացիենտ: Ընդհանուր առմամբ կատարվել է 542394 թեստավորում:

Երեկ կատարվել է 3057 թեստավորում, որից, փաստորեն հաստատվել է կորոնավիրուսային հիվանդության 1077 նոր դեպք: 1592 մարդ երեկվա դրությամբ առողջացել է։ 

Նախորդ օրն արձանագրվել է մահվան 7 դեպք, երբ պացիենտներն ունեցել են կորոնավիրուսային վարակ, սակայն մահը վրա է հասել այլ հիվանդության պատճառով։ Այդպիսի դեպքերի ընդհանուր թիվը 613 է: