«Ֆեյսբուք» սոցիալական ցանցում հաճախ տարատեսակ գրառումներ և մեկնաբանություններ են լինում սեպտեմբերի 27-ին արցախաադրբեջանական համակարտության գոտում սկսված պատերազմի հետևանքով հաշմանդամ դարձած զինծառայողների և կամավորների պրոթեազորման մասին։

«Ոմանք ասում են, որ վիրավոր զինվորների պրոթեզավորումը 2 տարի հետո պետք է սկսվի», «2 թևերը կտրած զինվորին էլ էին ասել 2 տարի հետո նոր հերթդ կհասնի»։ Օրեր առաջ նման գրառումներ և մեկնաբանություններ կային սոցիալական ցանցում։

Զինծառայողների պրոթեզավորումն ապահովելու է Աշխատանք և սոցիալական հարցերի նախարարությունը։

Նախարարությունից «Հետքին» հայտնեցին, որ հաշմանդամ դարձած զինծառայողների պրոթեզավորման գործընթացի սկսման համար հստակ ժամկետներ չեն սահմանվել։ Իսկ երկու տարի հետ պրոթեզավորում կատարելու լուրերն ապատեղեկատվություն են։ Նախարարությունից վստահեցրեցին, որ պրոթեզավորումը անհատական է լինելու՝ կախված նրանից, թե որքան ժամանակ կպահանջվի զինծառայողի վնասվածքի վերականգման համար։

Ընթերցեք նաև 

• Կրթական եւ սոցիալական ծրագրեր՝ զինհաշմանդամների համար