Խորհրդարանն արտահերթ նիստում քննարկում է Բարձրագույն դատական խորհրդի (ԲԴԽ) անդամի թեկնածու Գագիկ Ջհանգիրյանի ընտրության հարցը: Ջհանգիրյանի թեկնածությունն առաջադրել է «Իմ քայլը» խմբակցությունը:

Վերջինիս կենսագրական տվյալները ներկայացրեց Պետական-իրավական հարցերի մշտական հանձնաժողովի նախագահ Վլադիմիր Վարդանյանը:

Ջհանգիրյանը 1997-2006թթ. եղել է ՀՀ զինվորական դատախազ, Գլխավոր դատախազի տեղակալ, 2006-2008թթ.` ՀՀ գլխավոր դատախազի տեղակալ:

2012 թվականին պատգամավոր է ընտրվել «Հայ ազգային կոնգրես» դաշինքի համապետական ցուցակով:

Գագիկ Ջհանգիրյանը շնորհակալություն հայտնեց քաղաքական մեծամասնությանը իր թեկնածությունն առաջադրելու համար, ընդդիմադիր խմբակցություններին էլ՝ շահագրգիռ քննակումների համար: