Հունվարի 22-ի որոնողական աշխատանքների ընթացքում հայտնաբերվել է  5 զինծառայողի մարմին Վարանդայի (Ֆիզուլի) ուղղությունից: 

«Հետք»-ին այս մասին հայտնեց Արցախի արտակարգ իրավիճակների պետական ծառայության տեղեկատվության և հասարակայնության հետ կապերի բաժնի պետ Հունան Թադևոսյանը։

Որոնողական աշխատաներ իրականացվել էին Վարանդայի, Բերձորից հարավ՝ Իշխանաձոր-Այգեհովիտ և Որոտանի ուղղություններով։ Զինծառայողների ինքնությունը պարզելու համար նշանակվել է դատաբժշկական փորձաքննություն:

Հունվարի 23-ին որոնողական աշխատանքեր իրականացվելու են Մատաղիսի, Վարանդայի (Ֆիզուլի), Քաշաթաղի շրջանի ուղղություններով: 

Պատերազմի ավարտից մինչ օրս կատարված որոնողական աշխատանքների արդյունքում հայտնաբերվել է 1256 աճյուն: