Փետրվարի 4-ի ժամը 11:00-ի դրությամբ Հայաստանում հաստատվել է կորոնավիրուսային հիվանդության ընդհանուր 167568 դեպք, որոնցից 159045-ն` առողջացած, 3107-ը` մահվան ելքով:

Առողջապահության նախարարության տեղեկացմամբ՝ մեկ օրվա ընթացքում 147 նոր դեպք է հաստատվել, մահացել է 11 մարդ։

Կորոնավիրուսային հիվանդությամբ այս պահին փաստացի բուժում է ստանում 4637 բուժառու: Ընդհանուր առմամբ կատարվել է 656323 թեստավորում, որից 1829-ը՝ երեկ։ Մեկ օրվա ընթացքում առողջացածների թիվը 352 է։

Նախորդ օրն արձանագրվել է մահվան 2 դեպք, երբ բուժառուներն ունեցել են կորոնավիրուսային վարակ, սակայն մահը վրա է հասել այլ հիվանդության պատճառով։ Այդպիսի դեպքերի ընդհանուր թիվը 779 է: