HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Տրդատ Մուշեղյան

Ռուս խաղաղապահները 150 տոննա հումանիտար բեռ են տեղափոխել Քելբաջարի շրջան

Արցախում տեղակայված ռուսական խաղաղապահ զորախումբը շարունակում է ապահովել հումանիտար բեռների տեղափոխումը դեպի Ադրբեջանին վերադարձված Քելբաջարի շրջան (Արցախի Հանրապետության Շահումյանի շրջան, խմբ․)։ Այս մասին հայտնում է Ռուսաստանի Դաշնության պաշտպանության նախարարության մամուլի ծառայությունը։

Սոցիալական նշանակության օբյեկտների և բնակելի տների էներգամատակարարումն ու ջրամատակարարումը վերականգնելու համար Հումանիտար արձագանքման կենտրոնի ռուսական երկրորդ ավտոշարասյունը՝ բաղկացած 20 ԿամԱԶ և 5 ուղեկցող այլ ավտոմեքենաներից, 150 տոննա շինարարական նյութեր են տեղափոխել Քելբաջարի շրջան։ Ավտոշարասյան երթուղին անցել է Մատաղիս և Վանք գյուղերով։

Հիշեցնենք, որ նոյեմբերի 9-ի երեկոյան Հայաստանի, Ադրբեջանի և Ռուսաստանի ղեկավարների ստորագրած հայտարարությամբ՝ Արցախում մարտական գործողությունները դադարեցվեցին։ Համաձայն այդ փաստաթղթի՝ հայկական կողմը մինչև դեկտեմբերի 1-ը Ադրբեջանին հանձնեց Քելբաջարի, Աղդամի և Լաչինի շրջանները։

Լեռնային Ղարաբաղում շփման գծի և Լաչինի միջանցքի երկայնքով տեղակայվեց Ռուսաստանի Դաշնության խաղաղապահ զորախումբը:

Լաչինի միջանցքը (5 կմ լայնությամբ), որն ապահովում է Արցախի կապը Հայաստանի հետ՝ ընդ որում շրջանցելով Շուշի քաղաքը, մնաց Ռուսաստանի խաղաղապահ զորակազմի վերահսկողության ներքո:

Զորախմբի հիմնական մասը կազմում են ՌԴ զինված ուժերի Կենտրոնական ռազմական օկրուգի 15-րդ առանձին մոտոհրաձգային բրիգադի զինծառայողները։

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter