Առողջապահության նախարարությունը տեղեկացնում է, որ փետրվարի 23-ի, ժամը 11:00-ի դրությամբ հաստատվել է կորոնավիրուսային հիվանդության 166 նոր դեպք, ընդհանուր՝ 170672, որոնցից 162329-ն` առողջացած, 3171-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 4366 պացիենտ:

Ընդհանուր առմամբ կատարվել է 710201 թեստավորում: Այսպիսով` երեկ կատարվել է 2872 թեստավորում։

ԱՆ-ն հայտնում է, որ գրանցվել է մահվան 3 դեպք: Առողջացել է 231 անձ։ Նախորդ օրն արձանագրվել է մահվան 3 դեպք, երբ պացիենտներն ունեցել են կորոնավիրուսային վարակ, սակայն մահը վրա է հասել այլ հիվանդության պատճառով։ Այդպիսի դեպքերի ընդհանուր թիվը 806 է: