ԶԼՄ-ների դեմ դատավարությունների ամփոփագիր. փոխհատուցման գումարները նվազման միտում ունեն
Լիանա Սայադյան
Տաթևիկ Շալջյան
2011 թվականին զանգվածային լրատվամիջոցների մասնակցությամբ քննվող զրպարտության եւ վիրավորանքի մեղադրանքով 37 գործից 30-ը շարունակվեց 2012-ին: Այս տարվա առաջին եռամսյակի ամփոփված տվյալներով՝ այդ գործերից 6-ի քննությունն ավարտվել է ՀՀ դատական համակարգում, 5 գործի վերաբերյալ կայացվել են վճիռներ ընդհանուր իրավասության դատարանների կողմից, 1 գործ ուղարկվել է Վճռաբեկ դատարան: Այժմ ընդհանուր իրավասության դատարաններում ընթացքի մեջ է 18 գործի քննություն:
ԶԼՄ-ները մինչ օրս ընդհանուր առմամբ վճարել են 9 մլն 796 հազար 560 դրամ՝ իբրեւ զրպարտության եւ վիրավորանքի համար փոխհատուցման գումար:
ԶԼՄ-ի անվանումը |
Փոխհատուցում պահանջողի անունը |
Դատարանի կողմից բավարարված գումարի չափը |
Վճարվել է/Չի վճարվել |
«Հետաքննող լրագրողներ ՀԿ» |
Իջեւանի նախկին քաղաքապետ Վարուժան Ներսիսյան |
952.600 դրամ (22.600-ը՝ պետտուրք) |
Չի վճարվել |
«Հրապարակ» օրաթերթ |
Հրաչ Քեշիշյան |
376.560 (որից՝ 6.000 դրամը՝ պետտուրք, 70.560 դրամը՝ փորձաքննության գումար) |
Վճարվել է |
«Հայկական ժամանակ» օրաթերթ |
Ռուբեն Հայրապետյան, Լևոն Սարգսյան, Սամվել Ալեքսանյան |
6 մլն 132 հազար դրամ (132,000 դրամը` որպես պետտուրք) |
Վճարվել է |
«Երկիր» օրաթերթ |
ԱԺ պատգամավոր Տիգրան Արզաքանցյան |
288.000 դրամ |
Վճարվել է |
«Ժամանակ» օրաթերթ |
Բելլա եւ Սեդրակ Քոչարյաններ |
3 մլն դրամ |
Վճարվել է |
«Ժամանակ» օրաթերթ |
Թաթուլ Մանասերյանն |
510.000 |
Բողոքարկվել է Վճռաբեկ դատարան |
«Ժամանակ» օրաթերթ |
«Գլենդել Հիլզ» |
550.000 |
Վերաքննիչ բողոք է ներկայացվելու |
«Ժողովուրդ» օրաթերթ |
Գեղարքունիքի մարզպետ Նվեր Պողոսյան |
200.000 |
Վերաքննիչ բողոք է ներկայացվելու |
Ընդամենը |
|
12.009.160 |
9,796,560 |
Այս տարի քննված գործերից ընդամենը մեկով է կայացվել հաշտության համաձայնություն («Ռոբերտ Քոչարյանն ընդդեմ «Հրապարակի»»):
2 գործով (Վանո Եղիազարյանն ընդդեմ «Հետքի» թղթակից Ադրինե Թորոսյանի, Թերեզա Շահվերդյանն ընդդեմ «Հետքի» թղթակից Ադրինե Թորոսյանի) հայցվորներն իրենք են վերանայել հայցապահանջի գումարը՝ առաջնորդվելով ՍԴ 2011թ. նոյեմբերի 15-ի որոշմամբ. Վանո Եղիազարյանը 1 մլն դրամի փոխարեն պահանջում է խորհրդանշական 1 լումա, իսկ Թերեզա Շահվերդյանը 2 մլն դրամի փոխարեն՝ 200.000 դրամ: Երկու դեպքում դատարաններն են պահանջվածից ցածր գումարներով բավարարել հայցերը («Գլենդել Հիլզ»-ն ընդդեմ «Ժամանակ» օրաթերթի, Նվեր Պողոսյանն ընդդեմ «Ժողովուրդ» թերթի):
Ավարտված դատավարություններ
- Բելլա և Սեդրակ Քոչարյաններն ընդդեմ «Ժամանակ» օրաթերթի հիմնադիր և հրատարակիչ «Սկիզբ Մեդիա Կենտրոն» ՍՊԸ-ի - Վճռաբեկ դատարանը որոշեց վերադարձնել թիվ ԵԿԴ/2479/02/10 քաղաքացիական գործով ՀՀ վերաքննիչ քաղաքացիական դատարանի 11.10.2011 թ. որոշման դեմ «Սկիզբ Մեդիա Կենտրոն» ՍՊԸ-ի ներկայացուցչի բերած վճռաբեկ բողոքը՝ ուժի մեջ թողնելով 06.06.2011թ. վճիռը, այն է՝ պարտավորեցնել հերքել «Ժամանակ» օրաթերթում տպագրված «Արյունը` Քոչարյաններից, կայֆը` Ծառուկյանից, իսկ հակացնցումը` Լֆիկից» խորագրով, «Ադամանդե Ռոբը» խորագրով, «Volvo+Spayka=ՍեդրակՔոչարյան» խորագրով հոդվածներում ընդգրկված Բելլա և Սեդրակ Քոչարյանների պատիվը և արժանապատվությունն արատավորող տեղեկությունները, ինչպեսնաև «Ժամանակ» օրաթերթից հօգուտ հայցվորների բռնագանձել 1.000.000 ՀՀ դրամ` որպես վիրավորանքի և 2.000.000 ՀՀ դրամ` որպեսզրպարտության միջոցով վերջիններիս պատվին ու արժանապատվությանը հասցված վնասի փոխհատուցման գումար:
- «Հետք» թերթի լրագրող Գրիշա Բալասանյանն ընդդեմ ՀՀ Ազգային ժողովի պատգամավոր Ռուբեն Հայրապետյանի - Վճռաբեկ դատարանը որոշեց վերադարձնել ՀՀ վերաքննիչ քաղաքացիական դատարանի 12.10.2011 թ. Որոշման դեմ լրագրող Գրիշա Բալասանյանի ներկայացուցչի բերած վճռաբեկ բողոքը։
- Վանո Եղիազարյանն ընդդեմ Գևորգ Մելքոնյանի, պատասխանող կողմում ինքնուրույն պահանջ չներկայացնող երրորդ անձ` «Ժամանակ» օրաթերթի – Վճռաբեկ դատարանը որոշեց վերադարձնել ՀՀ վերաքննիչ քաղաքացիական դատարանի 26.10.2011 թ. որոշման դեմ Գևորգ Մելքոնյանի ներկայացուցչի բերած վճռաբեկ բողոքը։
- Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի փետրվարի 15-ի վճռով Ռոբերտ Քոչարյանն ու «Հրապարակ» օրաթերթը հաշտության համաձայնության եկան: Փետրվարի 18-ին «Հրապարակ» օրաթերթը հրապարակեց հերքման հետեւյալ տեքստը. ««Հրապարակ» օրաթերթը հայտնում է, որ 12.02.2011թ.-ի 25/695/ համարում Ռոբերտ Սեդրակի Քոչարյանի մասին հրապարակած «Քոչարյանին ոչնչացնում են, Ծառուկյանին` բացատրում» հոդվածում տեղ գտած տեղեկությունները ամբողջությամբ չեն համապատասխանում իրականությանը և արատավորում են Ռոբերտ Սեդրակի Քոչարյանի պատիվն, արժանապատվությունը և բարի համբավը։ «Հրապարակ» օրաթերթը հայցում է ներողամտություն 12.02.2011թ.-ի 25/695/ համարի նշված հոդվածում տեղ գտած անճշտությունների և վիրավորանքների համար»։
- Մարտի 7-ին հայցվոր Բենիկ Հարությունյանը, «արժևորելով մամուլի զարգացումը որպես ժողովրդավար պետության կերտման կարևոր բաղադրիչ», ՀՀ պաշտպանության նախարարի մամուլի քարտուղար Դավիթ Կարապետյանի միջնորդությամբ հրաժարվեց «Ժողովուրդ» օրաթերթի նկատմամբ ներկայացրած դատական հայցից և որպես փոխհատուցում 2 միլիոն 200 հազար դրամի պահանջից:
- Մարտի 24-ին Արամ Չատինյանը ետ է վերցրել իր հայցն ընդդեմ ֆոտոլրագրող Գագիկ Շամշյանի: Արամ Չատինյանը դատի էր տվել Գ.Շամշյանին՝ 24.08.2011թ. aravot.am կայքում հրապարակված ««Վերեւները» հույսերը չարդարացրին» հոդվածի համար:
Վճռաբեկ դատարան ուղարկված գործեր
- 2011թ. սեպտեմբերի 20-ին Ընդհանուր իրավասության դատարանը մասնակի բավարարեց Թաթուլ Մանասերյանի հայցն ընդդեմ «Ժամանակ» օրաթերթի՝ պարտավորեցնելով «Ժամանակ» օրաթերթին հերքելու «Քրգործ` ԱԺ նախագահի խորհրդականի դե՞մ» խորագրով հոդվածում հայցվոր Թաթուլ Մանասերյանի պատիվն ու արժանապատվությունն արատավորող (զրպարտող) տեղեկությունները, ինչպես նաև օրաթերթից հօգուտ Թաթուլ Մանասերյանի բռնագանձել 510.000 ՀՀ դրամ: Դեկտեմբերի 15-ին վերաքննիչ դատարանը մերժեց պատասխանողի կողմից բերված վերաքննիչ բողոքը: Գործն այժմ գտնվում է Վճռաբեկ դատարանում:
Ընդհանուր իրավասության դատարաններում ավարտված գործեր
- 2012 թ. հունվարի 30-ին Կենտրոն եւ Նորք-Մարաշ վարչական շրջանների ընդհանուր իրավասության դատարանը մասնակի բավարարեց «Գլենդել Հիլզ»-ի հայցն ընդդեմ «Ժամանակ» օրաթերթի՝ պարտավորեցնելով հօգուտ հայցվորի բռնագանձել 200 հազար դրամ՝ զրպարտության համար, 300 հազար դրամ՝ փաստաբանական ծառայությունների համար, 10 և 40 հազարական դրամ՝ պետական վճարների համար: «Ժամանակ» օրաթերթը պետք է նաև հերքի 2010 թ. օգոստոսի 26-ին հրապարակած «1000 դոլար լռության դիմաց» հոդվածը: «Գլենդել Հիլզ»-ը պահանջում էր թերթից բռնագանձել 2 մլն դրամ զրպարտության համար, ինչպես նաև 500 հազար դրամ` դատական ծախսերի համար:
- Փետրվարի 27-ին Կենտրոն եւ Նորք-Մարաշ վարչական շրջանների ընդհանուր իրավասության դատարանը մերժեց Հայկ Բաբուխանյանի և «Իրավունք Մեդիա» ՍՊԸ-ի հայցն ընդդեմ report.am-ի և Էդիկ Անդրեասյանի: Հայցվորը Էդիկ Անդրեասյանի հեղինակած ««Իրավունքի» իրավունքը Հայկ Բաբուխանյանի թրի ծայրին է» հոդվածում պատասխանողի կողմից հայցվորի պատվի, արժանապատվության և գործարար համբավի արատավորման համար 6 մլն դրամ փոխհատուցում էր պահանջում:
- Մարտի 7-ին Կենտրոն եւ Նորք-Մարաշ վարչական շրջանների ընդհանուր իրավասության դատարանն անհիմն լինելու պատճառաբանությամբ մերժեց փաստաբան Արթուր Գրիգորյանի հայցն ընդդեմ «Հրապարակ» օրաթերթի: Փաստաբանը վիրավորվել էր թերթի էլեկտրոնային կայքում՝ hraparak.am-ում 2011թ. օգոստոսի 10-ին տեղադրված հոդվածի ներքո ընթերցողների թողած մեկնաբանություններից և օրաթերթից 18 միլիոն դրամ էր պահանջում թերթի ընթերցողների՝ իր պատիվն ու արժանապատվությունը վիրավորող մեկնաբանությունները հրապարակելու համար։
- Մարտի 12-ին ին Կենտրոն եւ Նորք-Մարաշ վարչական շրջանների ընդհանուր իրավասության դատարանն անհիմն լինելու պատճառաբանությամբ մերժեց Հայկ Բաբուխանյանի պատվի, արժանապատվության և գործարար համբավի պաշտպանության հայցն ընդդեմ վերլուծաբան ԷդիկԱնդրեասյանի և report.am կայքի խմբագիր ԱբելՄիքայելյանի: Հայկ Բաբուխանյանը պահանջում էր պարտավորեցնել պատասխանողներին նույն լրատվական միջոցով հրապարակային ներողություն խնդրել իրենից, ամբողջությամբ հրապարակել դատարանի վճիռը հայցի բավարարման կամ մասնակի բավարարման դեպքում, ինչպես նաև վճարել 1 մլն դրամ փոխհատուցում հասցրած վիրավորանքի համար:
- Մարտի 19-ին Գեղարքունիքի մարզի դատարանը մասնակի բավարարեց Նվեր Պողոսյանի հայցն ընդդեմ «Ժողովուրդ» թերթի և Աննա Թորոսյանի` պատիվն ու արժանապատվությունն արատավորող տեղեկությունները հերքելու և զրպարտության փոխհատուցման գումար բռնագանձելու պահանջների մասին՝ պարտավորեցնելով «Ժողովուրդ թերթի խմբագրություն» ՍՊԸ-ին` հերքելու «Ժողովուրդ» օրաթերթի 2011 թ. հոկտեմբերի 7-ի թիվ 171 համարում հրապարակված «Մարզպետը կաշառք է վերցրել» հոդվածում զրպարտություն համարվող, Նվեր Պողոսյանի պատիվն ու արժանապատվությունը արատավորող տեղեկությունները և հերքումը տպագրել նույն «Ժողովուրդ» օրաթերթում, ինչպես նաև թերթից հօգուտ Նվեր Պողոսյանի բռնագանձել 200.000 դրամ, որից 100.000 դրամը` որպես փոխհատուցման գումար, 100.000 դրամը` որպես փաստաբանի վարձատրության գումար։ Մարզպետը «Ժողովուրդ»-ից պահանջում էր 2.5 մլն դրամ:
Ընթացող դատավարությունները՝ ստորեւ
1 |
Ֆարաոն Միրզոյանն ընդդեմ «Չորրորդ Ինքնշխանություն» օրաթերթի հիմնադիր և հրատարակիչ «Կողմնակի անձանց Մ» ՍՊԸ-ի և Սերգեյ Գևորգի Գասպարյանի |
Պատիվը, արժանապատվությունը արատավորող տեղեկություններ հերքելու և պատճառված վնասները հատուցելու պ/մ |
Կենտրոն և Նորք Մարաշ վարչական շրջանների ընդհանուր իրավասության դատարան |
2 |
Երևանի պետական համալսարան ՊՈԱԿ-ը, Արա Գաբուզյանն ընդդեմ «Բանաձև» ՍՊԸ-ի, Սիրակ Եղիազարյանի |
Պատվին, արժանապատվությանը և գործարար համբավին պատճառված վնասի հատուցման` հրապարակայնորեն ներողություն խնդրելուն և հերքման պարտավորեցնելու պ/մ |
Կենտրոն և Նորք Մարաշ վարչական շրջանների ընդհանուր իրավասության դատարան |
3 |
Գուրգեն Խաչատրյանն ընդդեմ Լուսինե Աշուղյանի, երրորդ անձ՝ «ATV» և «Հետք» |
Պատվին, արժանապատվությանը և գործարար համբավին պատճառված վնասի հատուցման պ/մ |
Լոռու մարզի ընդհանուր իրավասության դատարան, |
4 |
Թերեզա Շահվերդյանն ընդդեմ Ադրինե Թորոսյանի, երրորդ անձ՝ «Հետք» շաբաթաթերթ |
Պատվին, արժանապատվությանը և գործարար համբավին պատճառված վնասի հատուցման պ/մ |
Լոռու մարզի ընդհանուր իրավասության դատարան |
5 |
Մուրադ Ասրյանն ընդդեմ «Մեդիա Կոնսալտ» ՍՊԸ-ի |
Պատվի, արժանապատվության, գործարար համբավի պաշտպանության պահանջի մասին |
Աջափնյակ և Դավթաշեն վարչական շրջանների ընդհանուր իրավասության դատարան |
6 |
Վանո Եղիազարյանն ընդդեմ Ադրինե Թորոսյանի, երրորդ անձ՝ «Հետք» շաբաթաթերթ |
Պատվին, արժանապատվությանը և գործարար համբավին պատճառված վնասի հատուցման պ/մ |
Լոռու մարզի ընդհանուր իրավասության դատարան |
7 |
Տիգրան Տերտերյանի օրինական ներկայացուցիչ Համլետ Տերտերյանն ընդդեմ «168 Ժամ» ՍՊԸ-ի և Մարինե Մարտիրոսյանի |
Պատիվն ու արժանապատվությունը արատավորող տեղեկությունները հերքելու և զրպարտության համար փոխհատուցում վճարելու պ/մ |
Կենտրոն և Նորք-Մարաշ վարչական շրջանների ընդհանուր իրավասության դատարան Դատավոր՝ Ա. Մելքումյան Դահլիճ՝ 13 |
8 |
«Իջևանի ՃՇՇ» ՓԲԸ-ն ընդդեմ «Իջևան ստուդիա» ՍՊԸ-ի և Նաիրա Խաչիկյանի |
Ներողություն խնդրելուն և փոխհատուցում վճարելուն պարտավորեցնելու պ/մ |
Տավուշի մարզի ընդհանուր իրավասության դատարան, նստավայրը՝ Դիլիջան |
9 |
«Կյանքի խոսք եկեղեցի» կրոնական կազմակերպությունը և Արթուր Սիմոնյանն ընդդեմ «Իրավունք Հետաքննություն» շաբաթաթերթի և «Արգումենտի նեդելի վ Առմենիի» շաբաթաթերթի |
Պատիվն ու արժանապատվությունը, բարի համբավը արատավորող տեղեկությունները հերքելուն և ներողություն խնդրելուն պարտավորեցնելու պ/մ |
Կենտրոն և Նորք-Մարաշ վարչական շրջանների ընդհանուր իրավասության դատարան |
10 |
Հելսինկյան Քաղաքացիական Ասամբլեան ընդդեմ Վլադիմիր Գասպարյանի |
Պատվին, արժանապատվությանը, գործարար համբավին պատճառված վնասի հատուցման պ/մ |
Կենտրոն և Նորք Մարաշ դատարան |
11 |
«Մինաս Ավետիսյան» մշակութային բարեգործական հիմնադրամի հոգաբարձուների խորհրդի նախագահ Արման Ավետիսյանն ընդդեմ «Ժուռնալիստների ասպարեզ ակումբ» ՀԿ-ի նախագահ Լեւոն Բարսեղյանի |
Պատիվն ու արժանապատվությունը արատավորող տեղեկությունների հերքման, հրապարակայնորեն ներողություն խնդրելու պարտավորեցման եվ պատճառված վնասի հատուցման պահանջների մասին |
Շիրակի մարզի ընդհանուր իրավասության դատարան |
12 |
Բենիկ Հարությունյանն ընդդեմ «Ժողովուրդ թերթի խմբագրություն» ՍՊԸ-ի |
Վիրավորանքի և զրպարտության հետևանքով պատվին և արժանապատվությանը պատճառված վնասի փոխհատուցման և հերքումը հրապարակելուն պարտավորեցնելու պ/մ |
Կենտրոն և Նորք Մարաշ վարչական շրջանների ընդհանուր իրավասության դատարան |
13 |
Վանո Եղիազարյանն ընդդեմ Բորիս Աշրաֆյանի, երրորդ անձ՝ «Առավոտ» օրաթաթերթ |
Պատվին, արժանապատվությանը և գործարար համբավին պատճառված վնասի հատուցման պ/մ |
Լոռու մարզի ընդհանուր իրավասության դատարան |
14 |
«Առիթմոլոգիական սրտաբանական կենտրոն»-ն ընդդեմ «Առավոտ» օրաթերթի |
Պատվի, արժանապատվության, գործարար համբավի պաշտպանության պ/մ |
Կենտրոն և Նորք Մարաշ վարչական շրջանների ընդհանուր իրավասության դատարան |
15 |
Մարգարիտ Մարտիրոսյանն ընդդեմ «168 ժամ» շաբաթաթերթի և Հռիփսիմե Կարապետյանի |
Պատիվն ու արժանապատվությունը արատավորող տեղեկությունները հերքելուն պարտավորեցնելու պ/մ |
Կենտրոն և Նորք Մարաշ դատարան |
16 |
Եհովայի վկաների քրիստոնեական կրոնական կազմակերպությունն ընդդեմ Հայաստանի հանրային հեռուստաընկերություն ՓԲԸ-ի |
Պատիվն ու արժանապատվությունը արատավորող տեղեկությունների հերքումը տարածելուն, պատասխանը հրապարակելուն և փոխհատուցում վճարելուն պարտավորեցնելու պ/մ |
Կենտրոն և Նորք Մարաշ վարչական շրջանների ընդհանուր իրավասության դատարան |
17 |
Մարգարիտա Խաչատրյանն ընդդեմ «Հրապարակ» օրաթերթ ՍՊԸ-ի |
2011թ. ապրիլի 21-ին Հրապարակ օրաթերթի 73/684/ համարի 1-ին էջում հրապարակված հոդվածի հերքումը տպագրելու և պատճառված վնասը փոխհատուցելու պ/մ |
Կենտրոն և Նորք Մարաշ վարչական շրջանների ընդհանուր իրավասության դատարան Դատավոր՝ Ս. Թադևոսյան |
18 |
«Առիթմոլոգիական սրտաբանական կենտրոն» ՍՊԸ-ն ընդդեմ «Մեդիա կոնսալթ» news.am |
Պատվի, արժանապատվության, գործարար համբավի պաշտպանության պ/մ |
Աջափնյակ և Դավթաշեն վարչական շրջանների ընդհանուր իրավասության դատարան |
Մեկնաբանել