Տեսանյութեր
Լուսանկարներ
Վահագն Թեւոսյանը եւ Վահրամ Մարտիրոսյանը՝ Հանրային հեռարձակողի խորհրդի անդամներ
ԱԺ «Իմ քայլը» խմբակցության պատգամավոր Վահագն Թեւոսյանը եւ գրող, հրապարակախոս Վահրամ Մարտիրոսյանն ընտրվել են Հանրային հեռարձակողի խորհրդի անդամներ։
Այսօր՝ փետրվարի 26-ին, կայացել է Հանրային հեռարձակողի խորհրդի անդամների թափուր տեղի համալրման մրցութային ժամանակավոր հանձնաժողովի նիստը, որտեղ հանձնաժաղովի հինգ անդամները՝ Արամ Սուքիասյանը, Նունե Հախվերդյանը, Աղասի Թադևոսյանը, Վահե Գևորկյանցը և Սամվել Մարտիրոսյանը ամփոփել են Հանրային հեռարձակողի խորհրդի անդամների 2 (երկու) թափուր տեղի համալրման մրցույթի համար ներկայացրած հայտերի ուսումնասիրման գործընթացը և քվեարկությամբ որոշել հաղթողներին:
Քվեարկության արդյունքում Հանձնաժողովը ընդունել է Վահրամ Մարտիրոսյանին և Վահագն Թևոսյանին մրցույթում հաղթող ճանաչելու մասին որոշում: «Տեսալսողական մեդիայի մասին» օրենքով սահմանված կարգով որոշումը կներկայացվի ՀՀ վարչապետի հաստատմանը:
Հիշեցնենք, որ հայտատուները չորսն էին, Վահագն Թևոսյանը, Վազգեն Ավետյանը, Վահրամ Մարտիրոսյանը և Գագիկ Գինոսյանը:
Մեկնաբանել