HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Սեդա Ղուկասյան

ԲԴԽ նախագահի դեմ հայց է ներկայացվել` Գագիկ Ջհանգիրյանի լիազորությունների դադարեցման պահանջով

Դատավորներից մեկը հայց է ներկայացրել Վարչական դատարան՝ Բարձրագույն դատական խորհրդի (ԲԴԽ) նորընտիր անդամ Գագիկ Ջհանգիրյանի լիազորությունները դադարեցնելու պահանջով:

Այս մասին խորհրդարանում լրագրողների հետ զրույցում ասաց ԲԴԽ նախագահ Ռուբեն Վարդազարյանը, որի խոսքով Ջհանգիրյանը կատարում է իր աշխատանքը՝ որպես ԲԴԽ անդամ:

«Կա ընդամենը հայց, դատավորներից մեկը պարտավորեցման հայց է ներկայացրել Վարչական դատարան՝ ընդդեմ ԲԴԽ նախագահի, այսինքն՝ իմ դեմ, խնդրում է դատարանից, որ դատարանը պարտավորեցնի ինձ, որ ես դադարեցնեմ Ջհանգիրյանի լիազորությունները: Սպասում ենք դատարանի դատական ակտին»,- ասաց Վարդազարյանը:

ԲԴԽ նախագահը հայցադիմումի հիմնավորումներին ծանոթացել է, սակայն գնահատական չցանկացավ հնչեցնել:

Ինչ վերաբերում է Գագիկ Ջհանգիրյանի տարիքին ու ԲԴԽ անդամի պաշտոնը ստանձնելու համապատասխանելիության հարցին, վերջինս ասաց.

«Ես գտել եմ, գտնում եմ և շարունակում եմ գտնել, որ կենսաթոշակային տարիքը լրանալուց հետո ԱԺ-ն իրավասու չէր ընտրել Ջհանգիրյանին՝ որպես ԲԽԴ անդամ»:

Հիշեցնենք, որ Գագիկ Ջհանգիրյանին ԲԴԽ անդամի պաշտոնում ընտրել է խորհրդարանը` հունվարի 22-ին փակ գաղտնի քվեարկությամբ: Նրա թեկնածությունը առաջադրել էր «Իմ քայլը» խմբակցությունը:

Լուսանկարում` Գագիկ Ջհանգիրյանը

 

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter