![](/static/articles/12/85/10/l-PYUm4QKqKJ.jpg)
Վրաստանում գրանցվել է 4,3 մագնիտուդ ուժգնությամբ երկրաշարժ
Վրաստանում գրանցվել է 4,3 մագնիտուդ ուժգնությամբ երկրաշարժ։ Այդ մասին գրում է «Известия»-ն՝ հղում անելով Վրաստանի սեյսմիկ մշտադիտարկման ազգային կենտրոնին։ Երկրաշարժի էպիկենտրոնը գտնվել է Վրաստանի Ռաչա-Լեչխում և Քվեմո Սվանեթ մարզի Օնչևի գյուղի շրջանում, որը սահմանակից է Ռուսաստանին։
Ինչպես նշվում է սեյսմիկ կենտրոնի հաղորդագրության մեջ, երկրաշարժի էպիկենտրոնը գտնվել է Օնի քաղաքից 2 կիլոմետր հարավ-արևելք և գտնվել 10 կիլոմետր խորության վրա։ Չկան տվյալներ տուժածների և փլուզումների վերաբերյալ։
Նախօրեին 5,2 մագնիտուդ ուժգնությամբ երկրաշարժ էր գրանցվել Հունաստանի Թեսալիայի շրջանում։ Երկրաշարժը գրանցվել էր տեղի ժամանակով 14:57-ին։ Էպիկենտրոնը գտնվել է Էլասոն քաղաքի մոտ, որտեղ մարտի 3-ին գրանցվել էր 6 մագնիտուդ ուժգնությամբ երկրաշարժ, իսկ մարտի 4-ին՝ 5,9 մագնիտուդ ուժգնությամբ։ Երկրորդ երկրաշարժի էպիկենտրոնը գտնվել է առաջին երկրաշարժի էպիկենտրոնից մի քանի կիլոմետր հեռավորության վրա։
Լուսանկարը՝ Getty Images-ի
Մեկնաբանել