Առողջապահության նախարարությունը տեղեկացնում է, որ մարտի 22-ի ժամը 11:00-ի դրությամբ հաստատվել է կորոնավիրուսային հիվանդության 506 նոր դեպք, ընդհանուր՝ 184219 դեպք, որոնցից 168721-ն` առողջացած, 3360-ը` մահվան ելքով:

Կորոնավիրուսային հիվանդությամբ այս պահին փաստացի բուժում է ստանում 11278 պացիենտ: Ընդհանուր առմամբ կատարվել է 808355 թեստավորում: Երեկ կատարվել է 3753 թեստավորում:

ԱՆ-ն հայտնում է, որ 432 մարդ առողջացել է, գրանցվել է մահվան 12 դեպք: Նախորդ օրն արձանագրվել է մահվան 3 դեպք, երբ պացիենտներն ունեցել են կորոնավիրուսային վարակ, սակայն մահը վրա է հասել այլ հիվանդության պատճառով։ Այդպիսի դեպքերի ընդհանուր թիվը 860 է: