Խորհրդարանի հերթական նիստում երկրորդ ընթերցմամբ քննարկվեց ԱԺ փոխխոսնակ Ալեն Սիմոնյանի հեղինակած Քաղաքացիական օրենսգրքում փոփոխություններ կատարելու նախագիծը, որով առաջարկվում է վիրավորանքի և զրպարտության համար փոխհատուցման չափն ավելացնել:

Վիրավորանքի համար կսահմանվի մինչև 3 միլիոն դրամ, զրպարտության համար` մինչև 6 միլիոն տուգանք: Նախագծով առաջին ընթերցմամբ առաջարկվում էր սահմանել համապատասխանաբար 5 և 10 միլիոն դրամ տուգանք, սակայն նախագծի հեղինակի խոսքով` գործընկերների հետ քննարկումների արդյունքում որոշել է սահմանված չափը նվազեցնել:

Արդարադատության փոխնախարար Վահե Դանիելյանն ինչպես Պետական-իրավական հարցերի մշտական հանձնաժողովի նիստում, այնպես էլ այժմ պնդեց, որ պետք է տուգանքի չափը նվազեցվի, քանի որ խոսքի ազատության միջամտություն է լինելու, դրա համար համարժեք փոխհատուցում պետք է լինի:

Նախագծի քննարկումն ավարտվեց, այն քվեարկության կներակայցվի վաղը: