Առողջապահության նախարարությունը տեղեկացնում է, որ ապրիլի 3-ի, ժամը 11:00-ի դրությամբ հաստատվել է կորոնավիրուսային հիվանդության 1192 նոր դեպք, ընդհանուր՝ 196044, որոնցից 175401-ն` առողջացած, 3575-ը` մահվան ելքով:

Կորոնավիրուսային հիվանդությամբ այս պահին փաստացի բուժում է ստանում 16150 պացիենտ: Ընդհանուր առմամբ կատարվել է 869652 թեստավորում:

Այսպիսով` երեկ կատարվել է 4976 թեստավորում։ Առողջացել է 856 անձ, գրանցվել է մահվան 23 դեպք:

Նախորդ օրն արձանագրվել է մահվան 14 դեպք, երբ պացիենտներն ունեցել են կորոնավիրուսային վարակ, սակայն մահը վրա է հասել այլ հիվանդության պատճառով։ Այդպիսի դեպքերի ընդհանուր թիվը 918 է: