Հայաստանում կորոնավիրուսի հաստատված դեպքերի թիվն ավելացել է 1025-ով՝ ընդհանուր կազմելով 198 898: Նախօրեին կատարվել է 4639 թեստավորում (ընդհանուր՝ 884 929): Այս մասին հաղորդում է Առողջապահության նախարարությունը:

Մահացել է 20 մարդ: Կորոնավիրուսից մահացության դեպքերի ընդհանուր թիվը 3647 է:

Առողջացել է ևս 626 քաղաքացի, և այժմ նրանց ընդհանուր թիվը հասել է 178 227-ի:

Այս պահին փաստացի բուժում է ստանում 16 088 քաղաքացի:

Նախորդ օրն արձանագրվել է մահվան 4 դեպք, երբ պացիենտներն ունեցել են կորոնավիրուսային վարակ, սակայն մահը վրա է հասել այլ հիվանդության պատճառով։ Այդպիսի դեպքերի ընդհանուր թիվը 936 է: