Առողջապահության նախարարությունը տեղեկացնում է, որ ապրիլի 12-ի ժամը 11:00-ի դրությամբ հաստատվել է կորոնավիրուսային հիվանդության 510 նոր դեպք, ընդհանուր` 203327 դեպք, որոնցից 182836-ն` առողջացած, 3753-ը` մահվան ելքով:

Կորոնավիրուսային հիվանդությամբ այս պահին փաստացի բուժում է ստանում 15785 բուժառու: Ընդհանուր առմամբ կատարվել է 906177 թեստավորում: Երեկ կատարվել է 3461 թեստավորում:

ԱՆ-ն հայտնում է, որ 873 մարդ առողջացել է, գրանցվել է մահվան 18 դեպք:

Նախորդ օրն արձանագրվել է մահվան 1 դեպք, երբ բուժառուն ունեցել է կորոնավիրուսային վարակ, սակայն մահը վրա է հասել այլ հիվանդության պատճառով։ Այդպիսի դեպքերի ընդհանուր թիվը 953 է: