Այս պահին «Սահակյանշին» կազմակերպությունը շինաշխատանքներ է կատարում Իսակովի պողոտան Լենինգրադյանին կապող հատվածում, և ճանապարհաշինության անվան տակ, առանց շինթույլտվության, հողհատկացման, նախագծի, ավերվում են Դալմայի այգիները: Այս մասին «Հետքին» հայտնեց ականատեսը, ով այսօր եղել է տարածքում: Նա չցանկացավ, որ իր անունը նշվի:

Նրա խոսքով՝ Դալմայի այգիների վրա քարեր են լցնում, որպեսզի հետո նկարահանեն ու ցույց տան, թե այդտեղ այգիներ գոյություն չեն ունեցել: «Դա ոչ միայն ճանապարհաշինություն է, այլև Դալմայի այգիների ոչնչացում»,- ասաց նա: