HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Սեդա Ղուկասյան

Տոտալիզատորների գովազդի ժամային սահմանափակման նախագիծը քննարկվեց

Խորհրդարանը հերթական նիստում երկրորդ ընթերցմամբ քննարկեց կառավարության ներկայացրած «Գովազդի մասին» օրենքում փոփոխություններ կատարելու նախագիծը:

Ըստ այդ առաջարկի` լրատվական կայքերում տեղադրված վիճակախաղերի, ինտերնետ շահումով խաղերի և խաղատների գովազդների ցուցադրման գրաֆիկը կսահմանափակվի, պահանջով, դրանք կարող են հրապարակվել միայն երեկոյան ժամը 22:00-ից մինչև առավոտյան 7-ն ընկած ժամանակահատվածում:

Գործող օրենքով գովազդը չպետք է գերազանցի տվյալ կայքէջի 20 տոկոսից ավելին, կառավարությունն առաջարկում է ծավալային սահմանափակումը փոխարինել ժամային սահմանափակմամբ:

Նախագիծը ներկայացրեց ֆինանսների փոխնախարար Արմեն Հայրապետյանը, ում խոսքով` առաջինից երկրորդ ընթերցում որևէ փոփոխություն չի եղել: Փոխնախարարն անդրադարձավ մամուլի ներկայացուցիչների այն քննարկումներին, թե կառավարությունն այս կերպ ցանկանում է ֆինանսական խնդիրներ առաջացնել ԶԼՄ-ների համար: Հայրապետյանը վստահեցրեց` որևէ նման միտում չկա, ապա հիշեցրեց, որ դեռ 2019 թվականին Գովազդի մասին օրենքի փոփոխության քննարկմանը ասել է, որ ծավալային սահմանափակման վերահսկելը կառավարության համար կարող է խնդրահարույց լինել` համապատասխան գործիքակազմ չլինելու պատճառով:

Ֆինանսների փոխնախարարն անդրադարձավ նաև Գովազդի մասին օրենքի մյուս նախագծին, որը կառավարությունը հանրային քննարկման է ներկայացրել, այն ամբողջությամբ առաջարկում է սահմանափակել գովազդը: Հայրապետյանն ընդգծեց` նախագիծը վիճահարույց է և պետք է մանրամասն քննարկվի: Նախագծի քննարկումն ավարտվեց:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter