Մինչև Հայաստանում նոր իշխանությունների ձևավորումը ոչ մի բանակցություն պետք չէ վարվի և ոչ մի փաստաթուղթ պետք չէ ստորագրվի. ԼՀԿ
«Լուսավոր Հայաստան» կուսակցությունը ԱԺ արտահերթ ընտրություններին մասնակցելու հայտ ներկայացրած բոլոր ուժերին առաջարկում է միասնական փաստաթուղթ ստորագրել առ այն, որ մինչև Հայաստանում նոր իշխանությունների ձևավորումը ոչ մի բանակցություն պետք չէ վարվի և ոչ մի փաստաթուղթ պետք չէ ստորագրվի առկա իշխանության և նրա ժամանակավոր պաշտոնակատարների կողմից։
«Ընտրությունների արդյունքում Հայաստանի ժողովրդի ձևավորած նոր իշխանությունները միայն կբանակցեն կամ կվերաբանակցեն ցանկացած երկկողմանի կամ բազմակողմ փաստաթղթի շուրջ և կկայացնեն համապատասխան որոշումներ»,- ասված է կուսակցության տարածած հաղորդագրության մեջ։
Հիշեցնենք, խոսքը Հայաստանի եւ Ադրբեջանի միջեւ դելիմիտացիայի եւ դեմարկացիայի վերաբերյալ փաստաթղթի հնարավոր ստորագրման մասին է, որի վերաբերյալ հայտարարություն արեց վարչապետի պաշտոնակատար Նիկոլ Փաշինյանը։
Մեկնաբանել