Առաջիկա խորհրդարանական ընտրություններին մասնակցելու և թեկնածուների ցուցակը Կենտրոնական ընտրական հանձնաժողով (ԿԸՀ) ներկայացրեց «Բարգավաճ Հայաստան» կուսակցությունը։ ԱԺ համանուն խմբակցության պատգամավոր Արման Աբովյանը լրագրողների հետ զրույցում ներկայացրեց ԲՀԿ-ի ընտրական ցուցակի առաջին տասնյակը․

1. Գագիկ Ծառուկյան 
2. Միքայել Մելքումյան
3. Իվետա Տոնոյան
4. Դավիթ Սիմոնյան
5. Կարապետ Գուլոյան
6. Շաքե Իսայան
7. Քաջիկ Գևորգյան
8. Արման Աբովյան
9. Լուիզա Սարգսյան
10. Հրանտ Դավթյան

ԲՀԿ-ի ցուցակում չի լինելու ԱԺ փոխնախագահ, ԲՀԿ-ական Վահե Էնֆիաջյանը։ Արման Աբովյանն առաջարկում է ինտրիգներ չփնտրել դրանում՝ նշելով, որ ցանկացած քաղաքական ուժում էլ սերնդափոխություն է տեղի ունենում։

«ԲՀԿ-ն չի դիտարկում, նույնիսկ մենք չենք քննարկում կոալիցիաների ֆորմատներ և այլն։ Մենք դիտարկում ենք միայն ու միայն պարզ և հստակ իրողություն։ Մենք գնում ենք հաղթելու և մենք հաղթելու ենք»,- հայտարարեց Արման Աբովյանը։

Լուսանկարում՝ Արման Աբովյանը