Արտաքին գործերի նախարարության խոսնակ Աննա Նաղդալյանը հայտնել է, որ այլևս չի կատարում ՀՀ ԱԳՆ մամուլի քարտուղարի պարտականությունները:

«Ցանկանում եմ շնորհակալություն հայտնել ԶԼՄ բոլոր ներկայացուցիչներին, ԱԳՆ գործընկերներիս, իմ թիմին՝ այս դժվարին և պատասխանատու ժամանակահատվածում արդյունավետ համագործակցության և աջակցության համար:

Առանձնահատուկ շնորհակալություն եմ հայտնում Արա Այվազյանին և Զոհրաբ Մնացականյանին՝ ցուցաբերած վստահության համար. մեծ պատիվ էր աշխատել նման փորձառու և հայրենասեր դիվանագետների հետ:

Հայտնում եմ, որ շարունակելու եմ աշխատանքս դիվանագիտական ծառայությունում»,- գրել է նա իր ֆեյսբուք էջում:

Հիշեցնենք, որ այսօր առավոտյան ԱԳՆ-ում անձնակազմի հետ հրաժեշտի հանդիպում էր ունեցել նաեւ հրաժարական ներկայացրած նախարար Արա Այվազյանը: