![](/static/articles/13/16/25/l-kVem1wghQk.jpg)
ՊԵԿ նախագահը հորդորում է ֆիզանձանց՝ թուրքական ապրանքներ ներկրելու փորձեր չանել
2021 թվականի առաջին հինգ ամիսներին հարկային եկամուտները կազմել են 618,4 միլիարդ դրամ, ինչը 34,8 միլիարդ դրամով ավելի է 2020 թվականի նույն ժամանակաշրջանի համեմատ և 47,2 միլիարդ դրամով ավելի է 2019-ի ցուցանիշից:
Այս մասին խորհրդարանում լրագրողների հետ զրույցում ասաց Պետական եկամուտների կոմիտեի (ՊԵԿ) նախագահ Էդվարդ Հովհաննիսյանը:
Ըստ ՊԵԿ նախագահի` կան որոշ ոլորտներ, ինչպես` զբոսաշրջությունը, որոնք կորոնավիրուսի համավարակի ազդեցությմաբ ամբողջությամմբ չեն վերականգնվել, սակայն մյուս ոլորտները հիմնականում վերականգնվել են և բնականոն հունով աշխատում են:
Հովհաննիսյանը վստահեցրեց` բարձրացել է տնտեսվարողների հարկային կամավոր կարգապահությունը, և հարկեր վճարելու մշակույթի հարցում առաջընթաց կա:
Հարցին, որ ըստ տեղեկությունների գործարար, ՔՊ համամասնական ցուցակով պատգամավորի թեկնածու Խաչատուր Սուքիասյանը Մեղրիում մաքսային տերմինալ է կառուցում, արդյոք ՊԵԿ նախագահը կարո?ղ է հաստատել այդ տեղեկությունը, վերջինս ասաց.
«Նման տեղեկություններ չունեմ, տերմինալ է կառուցվում, թե չի կառուցվում կամ թե ով է կառուցում: Մենք նման ընթացակարգ չունենք, որ դիմեն ՊԵԿ, նոր կառուցեն, հնարավոր է նախաձեռնեն, կառուցեն, հետո դիմեն լիցենզիայի թույլտվություն ստանալու համար: Երբ դիմեն, նոր կտեղեկացնենք, որ անձը կառուցել է մաքսային պահեստ և դիմել է ՊԵԿ-ին թույլտվություն ստանալու համար»:
2021 թվականի հունվարի 1-ից կառավարությունը սահմանափակել է թուրքական ծագում ունեցղ ապրանքների ներմուծումը: Հունիսի 1-ից Վրաստանը բացել է ցամաքային սահմանը, այս իրավիճակում ի՞նչ է անելու ՊԵԿ-ը, որպեսզի արգելված ապրանքներ չհայտնվեն ՀՀ շուկայում, հարցին ՊԵԿ նախագահը պատասխանեց․
«Սահմանափակումը գործում է և վերաբերում է նաև ֆիզիկական անձանց կողմից այդ թվում` անձնական օգտագործման նպատակով հնարավոր ներկվող ապրանքների նկատմամբ, ուստի հորդորում եմ մեր քաղաքացիներին սահմանով նման ապրանքներ ներկրելու փորձ չանել, ներկրումը կարգելվի»:
ՊԵԿ նախագահի խոսքով` մաքսային հսկողությունն ունի իր կանոնները, և այդ կանոններին համապատասխան ստուգումներ կիրականացվեն:
Մեկնաբանել